كل السحايب
صالح السنيدي20 بيت
- 1أترزمت كل السحايب ودجا◆وتهللت كل المزون بعجاجي
- 2لي ناضها برقٍ ولا ذاك سرجا◆ومتونها حزت طروف الفجاجي
- 3وسلومها ما قام سيفٍ بعجا◆ورصوفها تازم ثلوم الحجاجي
- 4والنجم زاح وللمجرات هجا◆يا كثرها لو جاك ميل الهجاجي
- 5قبل الرسن زم الحروف وتهجا◆لا تكسر الخطوات سبّة احراجي
- 6للشاعر اللي ينسج الشعر نسجا◆حجه على الاقوام بحره لجاجي
- 7ناصر نصير الشعر ولشعر لجا◆وناصر ل عين الشعر لوذ وملاجي
- 8وان كان فالحزات نهرٍ يفجا◆بحرٍ إذا يعطيك عاد السراجي
- 9أبشر ل عين الشعر نعطيك حْجا◆ونسيره مطواع قبل أمبلاجي
- 10أنويت ذاك العام للبيت حَجْا◆وأكثرت في زود الزكا والخراجي
- 11وحجيت وصوابه تعجْا ورجْا◆وف ْعينها كسْر صواب الزجاجي
- 12يا مهرة التاريخ وسمٍ توجا◆في صدرها يبقى من الخير عاجي
- 13مع ضربة الأبراج خطيت برجا◆فنجان وخطوط الرمل منك راجي
- 14الحب ما خلا ّفطينٍ يسجا◆إلا يصيب العقل والقلب شاجي
- 15وللّي خبير القاف فالشعر زجا◆خيله صهاب الريح عند العراجي
- 16يرزا له الميدان بالحب نهجا◆وتصارمت بالسيف يوم الولاجي
- 17يا قبلت القصاد والروح عرجا◆دارٍ لدار الشيخ صارت خراجي
- 18يا من عنا شكواه دوبك ترجا◆فالحب مثلك مصطلي بالوهاجي
- 19وإن كان حب الغيد سدٍ يعجا◆لايام بانت يوم ثأر( العواجي )
- 20وإن جيتني فالحب لاعاد هرجا◆شكواك لله نورها ببتهاجي