ضرب الجوازي
صالح السنيدي14 بيت
- 1مهرةٍ هاجت وماجت سيرت◆واهلها ربعٍ من ارباب السيوف
- 2مهرةٍ لاسلهمت شافت برت◆ضربها ضرب الجوازي للكفوف
- 3يوم حازت بالنظر نجمي سرت◆حدها مطواع في شاغي الكهوف
- 4يوم ردَّت عينها فيك سبرت◆كل ما يخفى على سمع الكشوف
- 5حاولوا سيسانها لين حذرت◆حيرت كل المعاني والوصوف
- 6شمرت كل العرب وتناذرت◆سمعوا الصقهان من دون الشغوف
- 7يوم حط بدارها ذل هجرت◆ونتخى مجد الفطاحل بالكتوف
- 8زمجرت كل الصحاري وزأرت◆وستمت كل المفاخر بالحروف
- 9مهرةٍ في أثرها شهبٍ جرت◆لا عجز عن نيلها صاح الهتوف
- 10برزت الفرسان ورماح ورت◆وشعلت حرب الحلاحل والحتوف
- 11عندهم ناد المنادي وسعرت◆دونهم موت المعادي بالحسوف
- 12يوم جات الحين في دهري فرت◆ما بقى غير السفافه والدفوف
- 13لا تطالب عزها عنك زرت◆للعروبة حقها عند السيوف
- 14
__________________