صفوف الظل
صالح السنيدي19 بيت
- 1شقّتْ صفوف الظّل وتجمعتْ سرْب◆تلوي على الهيجا وتكسر ذراعه
- 2نصرة نبي الله أدريس فالكرْب◆مكّنْ له التوحيد وأرسل شعاعه
- 3واستوطنتْ قلب العرب لامةُ الحرْب◆سعد الخشوم ولا لفى السلم طاعة
- 4هبّتْ بنات الريح وتفاهق الشرْب◆وقع الحوافر في غدير الجماعة
- 5من طيّر البذوار لا عّيل الدرْب◆زّفْ البغاث ونش له في شراعه
- 6ولي وكّد الشاهين ما راعه الغرْب◆لأن الحرار أللي أطلقت من طباعة
- 7وأنا جنيت أدهيم والأشقر الذرْب◆عدّى الشَعِيبْ وفاق كل أرتفاعه
- 8قوضّت له وسَنَدّ على نايف العرْب◆يبغي السحاب ولا يرد انصياعه
- 9أقبل عَلّي ولا سْقا ذبّها طرْب◆كَنْ البهيم ومصْمَتٍ حجل راعه
- 10والله وسنان العوالي على القرْب◆مدام ضبح الخيل سرج الشفاعه
- 11لَسْرج عتيق مسّنَفٍ أصقعٍ صرْب◆جواد أقنَف لو سَعفْ لي طماعة
- 12مرخي ومروي للخَذَا والقنا ضَرْب◆أغمَمْ وقص الناصية من سماعة
- 13(يسّري) له التخديم ما يدري الغَرْب◆شَكّالْ ما يطلق يمينه كساعة
- 14لين أصبغ حْجاجه وشَعّلْ ولا زرْب◆أكسع رخيم وصار ضمن البضاعة
- 15أشر له (الأشْيَم) وعنى له الطَرْب◆حد الفضيلة هد ركن الفضاعة
- 16قلت أثني (الأبلق) و(الابرش)عن الترْب◆طبعن تعودها وصارت يراعه
- 17في موطن الهامات ندعوا لك الرْب◆كل الصدور أرحاب لك بالشجاعة
- 18أرض العرب للخيل الموطن السّرْب◆سجل بها تاريخ من طال باعة
- 19وَرْدتْ صفوف النور وتجمعت سرْب◆سيّل بها الوادي ورتل شعاعه