حب الوطن
صالح السنيدي14 بيت
- 1النجم نادى فالمجرة ضيا الصوت◆واشعل فجاج الكون شمع وأسارير
- 2لين ارتوت أبراج والحظ مبخوت◆من فيضها نسقي حظوظ المشاوير
- 3من بان صرحك يعتلي هامة بْيوت◆الشاهد الله ما على الصرح تبرير
- 4خل جاحد المعروف في صف ( جالوت )◆متنّحجبْ شمس الضحى بظلّة الدير
- 5نهرك يفيض وساقيٍ جمْلة التوت◆الزرع زرعك والثمر كله بخير
- 6من وين ما حلّت رحالك لك اتفوت◆أقدام خير وبالعطايا جماهير
- 7كلّك وفاء ناديت ( يا يونس الحوت )◆ثورة غَضب تَعْمي عيون المغاوير
- 8وسترجعك تاريخ يا حامل القوت◆والكل يا خذ من يمينك تباشير
- 9الصف صف الدين صفك ( يا طالوت )◆من قال بسم الله قلْنا كذا السير
- 10وحنا على حب الوطن نوقف اقنوت◆حُبّه من الإيمان لا شك هو غير ؟؟!
- 11منعوت خير وزاد هو خير منعوت◆حضن وأمان .. الجار .. هو قافلة خير
- 12والله ما سمنا الوطن لبس وبشوت◆ندْعب وفاء أرتال في ناضح البير
- 13عسر وْيسر هامات في وادي الموت◆لين أصبحت مهدٍ ورود وأزاهير
- 14مثل الوفي مثلك كذا ناهم الصوت◆مشتاق لعروقه وهو شايف العير