ثلاث جبال
صالح السنيدي56 بيت
- 1ألف أولف فوق رمـحك ولـيـفـي◆ومضرات الخيل باتـت طفـيـفـي
- 2ميدانها ضوى وعـدى حلــيـفــي◆كني على ما قلت من فاتـني مـات
- 3والبا بديت أنسى ولا طاري الليل◆عـدٍ رهين ماه وامسى على سـيــل
- 4من وادي البطحاء بلا وادي النيل◆أقولها من شفت طول المــسـافـات
- 5والتا تـراني اليـوم ماني بـضايـق◆بالي وســيــع ومـدهـلـنــه ورايــق
- 6ممسيت أعـد نجوم والسوق بايق◆سلمت والمعــنى يـــمـد العـبـارات
- 7والثا ثلاث جبال ملئ الوسعــيــه◆قهـوان والاخـضر وكور الطلـيـعه
- 8أحصون هامات الرجال المنيعه◆دامـت بروج العـز في كل لـوقـات
- 9والجـيم جـمالٍ سـبـر للـشـدايــد◆مد الحــدى والعـيـس راحت تهايـد
- 10غزو الشمال أصعب ولا هو بكايد◆أسرج خيول الحرف وتثور هامـات
- 11والحـا حلـيم الرأي من بار رأيــه◆راحت بــيارق تــنـتـشل فوق رايــه
- 12أنصال واغمادٍ هــمــت كل غايه◆وتسمسرت من فوق كتب ورسالات
- 13والخا خبير نجوم دلــه طريقـه◆ضرب الودع والرمل سـوء الوثيقة
- 14يمن ونجم الجاه يكفي بريــقــه◆بـدين والإيــمان جــزت الـــمـلمات
- 15والدال دامت يا مـواطن بـلادي◆مــواطــنٍ للــفـــخــر في كــل وادي
- 16من عهد (مالك) والمفاخر جوادي◆(سلوت) و( البطحاء) ونار الهتافـات
- 17والذال يا ذل الرجـاء والــمــلاقـا◆دام أطعــم ركــابه بقــرمل وعــاقــا
- 18عاف العسل والسمن شرد وساقا◆أيامــهــا راحت وهـــد الــمقــامــات
- 19والراء روينا من عــدود المدينه◆وســوارها حالـت وشــد الـبطـيــنــه
- 20بــدوٍ ولا ردنا الدقــل والســفينه◆جــنـاتي الصحــراء وربع المسرات
- 21والزاء زقرنا نايـفات الخــطاما◆طابـت مسامعــها لضــرب الحــساما
- 22ويشوش راس الرمح عند القطاما◆وتــكر فالــمــقـدم زفـيـــفٍ وغـارات
- 23والسين سيـست المعالي وسـيدت◆فـوق الرواسي البيض أيـضاً وعــيـدت
- 24هابت ملوك الانس داري وشيدت◆ممالك الـــتــــاريخ فـــ يــدي مكــفـــات
- 25والشين شبت يوم حل المزاحـــم◆مــــرابط الأفـــراس صــول مجاحـــم
- 26تسمع صهيل الخيل هد المراحم◆مواقــفٍ تــخــشى وتـــســفـر ســجلات
- 27والصاد صمصامٍ مفـقـر وكهـام◆الــنايــفات البــيض مــن كـــل صــــرام
- 28رداد والمأتور والمنصل حـسام◆صقــل المهــنــد شاهــدٍ كـــل مــافــــات
- 29والضا ضمْنٍ يا حروف وشواهد◆شــواهـد الــتاريخ حــلــف وتـــعــاهـد
- 30أحروبــنا حكــمة ولا طال زاهــد◆مكانة الأيـمان فــالــقـــلب قــــامــــات
- 31والطا طريق الخير من كل رامي◆مـرماه للإصـلاح يــمــني وشــــامي
- 32ما فرقت من بين سامـي وحــامي◆حـــنـا هـــل التـــقوى ســـلامٍ سلامات
- 33والظا ظلام الظــلم أسـفـر وسافـر◆من دارنا مــطرود مــنـــفـاي نـــافــــر
- 34قـبائـــــل العـزة بخــفٍ وحافــــرٍ◆تقابـــل الضيـــمات وتــقـض هـفـوات
- 35والعــيـن عايـنا عــيار الـرفـاقي◆جـــيـــرانــنا خانـــوا ولا عـــاد بــاقي
- 36من يهشم الجيرة غلص فالوهاقي◆ظـــل البعــيــد أقرب ولا ظل غـافـات
- 37والغـين غدارٍ يخاف الفـضـيحة◆تحـت الرمل راسه و يلـدغ جـريحة
- 38يسرق فعال القوم ويهب ريحة◆نـشال فـثـياب الوزارة ! حـسـافـات
- 39والفا يا فاهم كلامي أنا اْقـول◆إن الوطن ما عاد في كـف مسـئـول
- 40هذي أمانة شعب لاسْيف مغلول◆جــرد حسام الحق تـلـقى الكرامات
- 41والقاف قامت ساريات القبايل◆تنـشد عن الحوزات مـد الحـصايـل
- 42من شافت التاجر يغف الهوايل◆تـنـفـض عن الغفلة غبار الخرافات
- 43والكاف كبْرنا على كل باغي◆نسمع هدى الرحمان والكل صاغي
- 44يتلى صدى الإيمان في كل شاغي◆حكم الشريعة مـعـْـتـلي كـل رايـات
- 45واللام لآلٍ مــن بعـيـدٍ يـــغـفـي◆في مـوجـتـك يا دار عانـب يــلـفي
- 46تسمن يد السارق وانا قص كفي◆شرع العقول الغاوية عـنْـد غابات
- 47والميم مالت نفسهم جمعت المال◆كلٍ نهش كتف المواطن ولا سال
- 48نجمع فتات الخبز ونْجمل الحال◆وتتخم حكومتنا عـزايم وضـيفات
- 49والنون نادوا بالرقابة والإصلاح◆زاد الثمن فالعيش والظلم ما راح
- 50والنفط زايد بـيـّـرنا فـيه سـباح◆يستاهـل المـسكين مد و زيادات
- 51والها هانت عند ربي فرجها◆ما خاب من يدعوه ينصب عوجها
- 52أهّـبْ خيول الحق عدل سرجها◆تضفي رجال الدين عز ومهابات
- 53والواو وادي الغاز ربي رزقنا◆بعـنا برخّص امن الثمن ما فـلحـنا
- 54وين العقول الراسخة وما عرفنا◆أمرن بغيـر أهـله يزيد الخـسارات
- 55واليا يا ربي على الحق ماضين◆أنصر عبادك زمرة الحق والدين
- 56ثبت عرى الإيمان يارب آمين◆على طريق المصطفى والرسالات