أعذريني
صالح السنيدي12 بيت
- 1بين نجم سهيل والعاشق دروب◆في فلاتٍ سارياتٍ في ظلام
- 2ومع طلوع الشمس لاحت للغروب◆الظلام اللي معي كف الكلام
- 3طالها سمعي ولي قلبٍ طروب◆هي حروفٍ صاغها لحن الحمام
- 4رهبتي بالقلب رهبات الحروب◆خايفٍ لا ودعك قبل المنام
- 5طارت أحلامي معى طير وسروب◆وصطفق بي الحرف في وسط الزحام
- 6ورغم زود الغيث محروم الشروب◆من نبع نهري ومشروبي حرام
- 7كيف أكف النجم عن ذيك الشهوب◆لا رأيت النجم طلاب السلام
- 8شيمة الأنذال فالموقف هروب◆لا رأيتي النذل أهديه الغرام
- 9بعد بيع الحب ما عدْة الطلوب◆أعذريني كان ما عندي احترام
- 10جرحي الدامي جرح كل القلوب◆ما بقالي قلب يشره للملام
- 11اعترافي اليوم لو طال الدروب◆ما أظن يزيد شئٍ في الكلام
- 12انجبرت أقول للعاشق ذنوب◆ومن بقايا الشمس لاحت للظلام