ما تفكرش
سيدة الشولي37 بيت
- 1عشان ما تسيء في تفكيرك◆لأم وريدها من نيلَك
- 2بدال ما تزيد في تمجيدها◆ف ليل ونهار تِعَتِتها
- 3سؤالي بريء :◆سعادتك كام سنة عندك ؟
- 4ما شفتش قبلك الأجيال؟◆ما حدش قالك الأحوال ؟
- 5لا شُفت حروب ولا أهوال ؟◆زمان .. كان قاسي أو كانشي
- 6فإيه لما الحياة تصعب ؟◆وإيه لما سنين تتعب ؟
- 7سعادتك ايه ؟◆لو ان يفرِق معاك الحال
- 8وتجرح فيك كتير لحوال◆في رأيك يسوى ايه الكون
- 9قُصاد طاعة .. وولاء .. ووفاء◆لنبت حلال؟
- 10أكيد في الوزن ما يسوي ..◆لا جوع ولا مال
- 11ولا نِقمة على الأحوال◆وتصبح عاق .. بِسَبْ ولَعن وشمَاته
- 12سُباب في سُباب !◆تقول لي جراحي مش هَمَك
- 13تقول : غَمِست من دمَك◆ووازن هَمِي غير هَمَك ؟
- 14تقول دَابحَاك ؟◆ومين يا أهبل .. فيه ليا سواك ؟
- 15تقول عَ الغلبة واللقمة◆وناشفة العيشة والزحمة
- 16ما فيش انصاف ولا رحمة◆وتنكر حقي ف منابك
- 17وفي الجِتَة اللي رَبيتها◆عشان قَصَرت فيك كام يوم ..
- 18ولا جِيبت ف غداك لحمة ؟!◆طب أعمل ايه ؟
- 19وأنا اللي زرعت ما حَصَدتش ..◆غير ابن الايه
- 20سليط الكلمة والبسمة◆تقول : جِله على راسك
- 21فين الجلة ؟◆تعالى شوف بلاد الشام
- 22وشوف بغداد◆منين تمشي تلاقي هباب
- 23تلاقي ضنين تلاقي عذاب◆حتدمع عينك الفافي ..
- 24ساعة تلمح مصير العز والأحباب◆تقولي كابوس
- 25تقول داقت بيك الأحوال◆صحيح اللي ما بيحسّش
- 26ولا يِوِنِّش عن التنبيط .. مش ابن حلال◆مهو انت يوماتي تتكلم
- 27ومين يسمع ؟◆يقول عنك حرام في حرام
- 28بتِتكلم .. وبتنبَط◆وتتريق .. وكل عزيمة بِتْهَبَط
- 29وأنا تِدمَع عيوني عليك◆وأقول يمكن .. في يوم يرجع
- 30يِرَاجِع .. نَفسُه مع نَفسُه◆مالوش لازمة
- 31تعيب ف أمك◆د أنا أمك .. يا حيلتي الغالي
- 32ولو قالوا عليك كلمة .. تخُدني العِزة والهِمة◆وأقول وَلدي
- 33وف الشدة أكون سندَك◆وأسدي تكون وأنا ضعفان .. يا راسمالي
- 34فلو بخوا في ودنَّك شيء◆من الواجب .. ترُد الغِيبة والنِقمة
- 35وبلدَك تبقى ف العالي◆بترقيعة جلابيتك
- 36بفتفوتة صحون بيتك◆تَاكُلها وتِحْمِدْ النِعمَة
- 37
أه والنعمة .