اسمع بقى
سيدة الشولي51 بيت
- 1اسمع بقى ..◆وأنت بقى ..
- 2ما لكشي حق◆تحكي بلساننا وتنوب بِدالنا ؟!
- 3تقعُد تبيع أنت وسيادتُه◆بطبع مكرك وطبع غدرُه
- 4فيه شَح مِ الدنيا الوداد ؟!◆لا صديق .. لا خال
- 5عامل رُغال◆وجاي تصَهين عَ الآمال
- 6ولا عادش لازمُه يقتِنِع ..◆انُه يجاريك .. ولا يجارِّيهُم
- 7أنت خاين للأمانة◆والشواهد كلها
- 8وكمان عليهم◆مادام بتعكس الآيات
- 9وتهد نفقك ع اللي فيه◆وتقيم جدار .. يقتل صغار
- 10غاز واسمنت وعلوله◆مش كان جيرانك برضُه أولى ؟!
- 11ان كنت مفرود بالقوي / وشادد في حيلَك /◆الله يهِدَك يا جبان ويهد .. ليلك
- 12تقدر تقول لي :◆يعمل إيه حلم الجعان لو يتركوه وحدُه ف ميدان ؟!
- 13وبأيه بتحلم بعد عمر بطرحة عِشته وهيلمان◆لساك مِتَبت في الزمان / عشمان ؟!
- 14خايبه سنينك جوه ليلك◆لَمْلِمت كل الخيول / وأولها خِيلك
- 15والأكادة / بتفتكر ما انتاش مُدان◆لاء مُدان وخبيث كمان
- 16واللي زيك / يحذرُه ديب البراري◆معقول ما تدرى ؟ ولا عامل ما أنت داري ؟!
- 17ما أنت شفت اللي حصل منك قُرَيب /◆لما قُدِمت الوصاية على الجيران
- 18يا سلام عليك◆لما تستدعي السلام وتقول أمان
- 19أمان لمين ؟ لحته وحته ؟!◆حته ليك / سياحة ليهم تُستباح رغم الجروح
- 20وحته فيها دم أخوك / عمال يروح ؟!◆وع الإخوة / لما يرقد فوق رقابها الليل بحِسَك وبعينيك !
- 21وع الطفولة لما تِستصرخ مَدَاها وتنادِيك◆وأنت أطرش وأنت أعمى / وأنت شيء يخزي النفوس
- 22وأنت وياهم ف شرم / أحضان وبوس◆وكل يوم / فوق رُفات العز / عمال تدوس
- 23وتقول حماية ؟ طب لمين ؟◆للمحبوسين / جوه عِشة الفراخ
- 24والا .. اللي شِايل فكرهم/ ولا زحزحك عنُه الصُراخ ؟!◆لو كنت فعلا مِننا / شايل مُصابنا وهَمْنا
- 25ما كنت رَديت البِيبان / والا.. تلبس توب جبان◆وتسِد ودنك عن أدان / حُكم الجهاد / من شَرعنا
- 26ما فيهاش كلام / ولا حتى فيها زَمزأه◆اسمع .. بقى
- 27لو فيه لقا / ومكتوب نِعود◆يبقى نعود / أسود نِسود / لجميع مُدنا وأرضنا
- 28يشفي الغليل / آن الآوان نصون حقوقنا وعرضنا◆أقصانا يرجَع / ونهادي شوق
- 29مشتاق لُه فوق / ستين ولا / شفناش إخوة تمدنا !◆ونقول ده عار / الليل دمار
- 30وإحنا إن كبار / كان عيب نفوت ناس مِننا◆صَدوا عَرايا ريح طُغاة
- 31وحَاصِرت أنت ف ناس عُراة◆في وقت أحوج للفدا / بقى فيه كده ؟!
- 32اسمع بقى /◆كل انتصار / جِه بالشقى
- 33وجميع ما قالوهلك هناك .. ومضيت عليه◆إذا كنت أنت ولا غيرك
- 34كل اللي باع / لعنة الله عليه◆لا شأن ليهم / ولا شأن لِيك
- 35وأنت ان عليك / تبيعنا وتبيع أهلنا◆تقسيم ما فيش / تنتيش ما فيش / تهبيش ما فيش
- 36ولا فيش شتات / حتى شتاتنا مَلنا◆يا مِيت ندامة / يا نسر ساقِط م العلالي
- 37لجُحر خِزيك يحتويك◆بكره جه / وأهو / ما فيش كراسي حتساعيك
- 38لو دامت لغيرك / تدوم لك / ودِمانا تبقى مبعزَقة◆ربك وعد / في كتابُه قال
- 39مكتوب رجوعنا مهما طال◆عاملي أعمى / ما قريتش الكتاب
- 40عايش في دور الحَمْرَأة ،◆الليل / لُه فجر / ولُه نهار / مهمن تجور / وكمان تزيد
- 41ح يطُل ضَي / ونستعيد / في صباحنا عيد◆اسمع سمعت الرعد
- 42ما فيش أي وعد لِدخيل / يِخِيل عَ الخلق ويُعتَدْ بيه◆لا وعد بلفور
- 43ولا وعدك أنت يا اسمك إيه ؟!◆جابوا الحرامي عشان يكون فيها وصي ؟!
- 44وصوا عليك جناني الأرض يشعتِفوك مِ اليوم دا .. لما للقا◆أي وعد / بِّيه حتوعِد النتن / كده بأششه
- 45خليها من جيب حضرته◆فهمتَ يا خيبة الزمان / يا شايل ذنوب ظلمك طوفان
- 46الله أكبر / تهز أركان الوجود◆وأنت انطرشت
- 47الناس أهي / قاعدة تموت◆والموت / جِه عندك يا لطيف
- 48خر سَاجد / رغم الدعاوى في المساجد◆وقال كمان / خليِّه كمان / تِتقل بُه كفة الميزان / بالمعاصي والذنوب
- 49اللي زَيُه مهما نقول /◆الختم قافل فوق جوارحه / ولا يُنتظرش فيه التُقى
- 50ولا / اسمع / بقى◆اللي زيُه / ما يجيبش أجلُه / غير رجال
- 51عطر من مِسك وريحان / جوه الميدان◆ومن ميدان / لميدان / وكام كام ميدان / حيطرح الورد ف جناينك يا وطن ؟