يامعتجل للقوافي حي وجه الفلاح /اتهب للناس ريح
سلطان الجالي20 بيت
- 1يامعتجل للقوافي حي وجه الفلاح◆اتهب للناس ريح
- 2لك بالعوَز ياكريم المدّ سدّ وسداد◆يجود طرق النشيد
- 3رمزت حرف المعاني قبل ارف الجناح◆ان كان تبغى الصحيح
- 4ماهان منهو يسامر معك درب الرشاد◆يسود مثلك رشيد
- 5يانجم ليلي سريتك لين لاح الصباح◆امشي بدربي نصيح
- 6شاهد دليلي يعرف الدرب شفه وكاد◆يشوق عين الفريد
- 7سريت ليل المفارق والليالي شحاح◆لقلبك المستريح
- 8ماشفت بالناس منهو يرتكي للشداد◆يعوذ غير العنيد
- 9العذر ياواهب العليا سلام وسماح◆ايدل وجه الفليح
- 10الحبر نبض المشاعر للهوى والمداد◆يطول فيه المديد
- 11الفكر والعلم والتقدير درع وسلاح◆يثوب فيه الفصيح
- 12ياباغي الجود مالك عن طريقه محاد◆اذراك للضل حيد
- 13تشهد رحايلك ياجمّال قصة كفاح◆يطيب منها الجريح
- 14كم لك مع البيد شاهد ياوسيع البناد◆أنبا خبرك الوكيد
- 15ياصادع العذب يانابع بماك القراح◆انته بدلوك تميح
- 16اليوم عقب المضامي والعنا والجهاد◆اصدح بذكرك واشيد
- 17اقول لاباس لو ضاقت وسيع البراح◆أبقى وساع المريح
- 18علمني الوقت مثلك يابليغ المراد◆اجيك دامك مريد
- 19واصد لاشفت مالي وسط قلبك مراح◆اسوق رجلي واسيح
- 20قدري بصدري ثباته لاتضيق البلاد◆اعيش عمري سعيد