حاولت عيا الجرح لايلقى دوى/والليل بالغربه طويل
سلطان الجالي18 بيت
- 1حاولت عيا الجرح لايلقى دوى◆والليل بالغربه طويل
- 2الحزن بين في ضلوعي له دوي◆ماعاد للصبر احتمال
- 3لا ياوجودي كل ماهب الهوى◆وامسيت بالحمل الثقيل
- 4وجد الكسير الي بحزنه منطوي◆ياطول عسره باليال
- 5اسباب حزني وانكساري والجوى◆غالي بقلبي له مقيل
- 6اقفى وخلاني بلا درب وخوي◆وحيد ووصاله محال
- 7لامن ذكرت ايامنا الحلوه سوى◆لاجيت له ضامي عليل
- 8اشرب وصاله بالهنا لين ارتوي◆لا اقفيت ناداني تعال
- 9واليوم ضامي في وصاله ماروى◆خطير لايمسي قتيل
- 10ماكنت اظنه يوم في صده قوي◆لين ابتعد عني ومال
- 11وشلون يانبع الوفا جتك القوى◆واصير لك عابر سبيل
- 12مدري متى يانور عيني تحتوي◆نبضي وهو لك لايزال
- 13كانك على خبري ولو طال النوى◆وافي ولامثلك مثيل
- 14قلبك من الهجران مثلي منكوي◆واقع ولاني لك خيال
- 15وان كان غرك بالمفارق من ثوى◆ولهرج عذالك تخيل
- 16الله معك والدرب قدامك سوي◆والله يبلغك المنال
- 17تجبرني العزه ولو قلبي ذوى◆ماعاين لكف البخيل
- 18يغنيني الله لو خفوقي ماروي◆ماعنك ياصبري مجال