بدينا بذكر الي سماه اعتلى بها - مجالسي
سلطان الجالي21 بيت
- 1بدينا بذكر الي سماه اعتلى بها◆ومن بعد للوافين نهدي جوابها
- 2سلامي على من عود الرجل للسطر◆على العز والنوماس نفسه صخابها
- 3ليامن نوى المقناص ماهد صيدته◆بعد يدمي المخلاب يثني رقابها
- 4يهابونه العدوان لا منه انتجع◆يصد الهوادي جيته عن شرابها
- 5ابشكي لك الي صابني وانت تعرفه◆ولاعنك يخفى ضيق نفسي ومابها
- 6انا يالبيب الفكر عاشق وعشقتي◆من الدر مصيونه عن الي حكا بها
- 7لمن تتعب الشعار من زود وصفها◆عسى الله يحرسها لزاهي شبابها
- 8تعنيت لا كن ماتهنيت وصلها◆تقفل عن الملهوف للوصل بابها
- 9وانا ياعريب الجد ماهين عزتي◆ونفسي عزيزه لو يزيد الضما بها
- 10وكم ليلةٍ فيها تحاملت وأحتمل◆ثقيل الحمول الكايده واغترابها
- 11تساليت في طول السواليف ليلةٍ◆مع الجدي وانجوم الشمالي سرابها
- 12مع الجون والعنقا ومع نجمة السُها◆تطول الليالي ماحسبنا حسابها
- 13وكم ليلةٍ فيها سرينا مع القمر◆كشفنا الحقايق بينه في كتابها
- 14نحيت المكاره عن طريقي وسكتي◆وخليت من بعدي يسج الخُطا بها
- 15وطيت الحيايا والعقارب نحيتها◆وانا عبد للرحمن راجي ذهابها
- 16بعد يامن الطرقي مسيره ويهتدي◆رقى للسنود العاليه مع هضابها
- 17يميز وصوفه كل من شاف حجته◆مكاتيب قوله بينت في جوابها
- 18يغني على ليلاه لامنه ارتفع◆ويرقى على جنحان فكره سحابها
- 19وانا يانديم العز لازلت مفتكر◆افكر وش الدنيا وش الي جرى بها
- 20ولاهمني ياكود شرواك فالبشر◆لو النذل نفسه غرته واشتقابها
- 21ختام الكلام أزكى صلاة على النبي◆عدد من هوى نفسه على الخير دأ بها