الـيـاس جـمـره تشتـعـل داخــل الـجـوف
سلطان الجالي45 بيت
- 1الـيـاس جـمـره تشتـعـل داخــل الـجـوف◆والـعـجـز يـدفــع داخـــل الـجـمـر وقـــاد
- 2والـصـدر مـدهـل ينـزلـه جـايـر الـخــوف◆لاقـالـو احبـابـك عـــن اعـيـونـك ابـعــاد
- 3لـج الهـزيـم بـعـوج الأضــلاع مــردوف◆بـــرزوم مـــزن مثـقـلـه تـنـقــل اوتــــاد
- 4تسمـع دوي جرجورهايـضـرب ادفــوف◆يـرجـف رديــف بحـيـن مايرجـفـه جـــاد
- 5يرهـش مـدد هشالـه ابــدون عـاصـوف◆رأي الـنـظـر مـابــدل الــشــك بــووكــاد
- 6مقصـوده الـي صـادفـت دهــر بعـجـوف◆تلفـض حريـص بميـرتـه ينـطـق اشــداد
- 7ثـوب العـذر مشقـوق والعفـو مضفـوف◆بـعــد الـغـيـاب. المنـتـضـر مـالــه بـــلاد
- 8جامقبـل أكثـر ماحـمـل صــدره احـتـوف◆وتجمـح وتكبـح داخـل اضلوعـه اجـيـاد
- 9هي هي . وش حالك .نعم .عينك تشوف◆هــذي تفاصـيـل الشـقـاوي لــك اشـهــاد
- 10انــا عـلـى حـطـة يـــدك تـاركــك نـــوف◆خفـاق ينـتـق لــك ولــك نـبـض بـفـواااد
- 11وداعـتــك قـلــب وشـرايـيـن مـشـغــوف◆أســـرف غـــلاه وجـــاك بـالــود مـنـقـاد
- 12يامـنـيـة الـلــي طـــاح بـالـجـد مـكـتـوف◆مـالـه عــن الـهـم العَـفَـر حــول مـشـراد
- 13رهــن العـفـو. كـفـو العطا.ود.مـخـلـوف◆سقمـه عفـا. عــن قــادح السـهـد بـزنـاد
- 14يـاوارثــه تـيــه الـفـخـر كـبــر مـزلــوف◆حـســن الثـنـا.ولـف لـمـواريـك مــرتــاد
- 15تطـاولـي نـجـم الـجــدي بـعــد مـزفــوف◆ضـــي الـســواري و المصـابـيـح وقـــاد
- 16فيـه الشُعـل نـور يتطـايـر مــن ارفــوف◆محافلـه سـارت بهـا حضـوض الأحـفـاد
- 17مـادام لـك بـإرض المكاسـيـب مقـطـوف◆لــك البـقـا. ولا الفـنـا. حــض الأجـســاد
- 18تـفـاخـري بـالـمـيـت بـعـهــد واحــلــوف◆مــالــك طـلـيــب بــــدم وافــيــك يـنـهــاد
- 19ماياسـعـك حـيــز غـــدى ورد مـكـفـوف◆هـوى. هـوا. لــو ارتـمـي رمــت مـاكـاد
- 20دفـع الجـدا. فيـه المـدا.صـرد مـرجـوف◆مــال الـهُـدا. بـادمـس دجـا.فـود عـــواد
- 21انـجـي نـواجـذ وانـجـدي دقــة اكـفــوف◆حـسـره تــلاك اسنـيـن بـحـنـوك حـســاد
- 22لاجنـد الحـاسـد نـصـل سـهـم واسـيـوف◆مـايـتـقـي دون الـسـرابـيـل مــــن قـــــاد
- 23مايكـمـن السـامـي ولـوتـذري اكـهــوف◆حـيــن القـصـايـد تقـتـفـي درب قــصــاد
- 24ماسـال حـبـر بخـشـم الأقــلام مـرعـوف◆إلـــى بـعـيــد بـعـيــن الأشــعــار يـنـعــاد
- 25فـي كـل سـوق يسـاق لـه علـم موقـوف◆مـــلـــزوم راد. بـغـبـةالـمـلـح مـــيــــراد
- 26قاضـيـه دنــدن دوزن الـحـان مـعــزوف◆سـلــوان لــلــي يـطـربــه جـودالأنـشــاد
- 27والصـوف لــه بيـديـن سـاديـه مـنـدوف◆ولاذاد.شـــي. بـحـالـة وفـــود الأضـــداد
- 28وسحـم الضـواري للرعايـا لـهـا حــوف◆لابـــد مـاتـدخـل مـداخـيـل أهــــل عــــاد
- 29ولكـل قـول وعلـم واصــف ومـوصـوف◆والــي يحـبـل لصـيـدتـه صـيــد مـاصــاد
- 30ماهمـنـي زارف خـبـر. عـنـد مـــزروف◆يبـدي. ولا عمـره شـكـر فضـلـة الـضـاد
- 31عذرالقمرلويسـتـحـي مـنــك مـكـســوف◆وعــذره مـعـه لــو ماتـحـدده الأرصـــاد
- 32ياشمـس ذقـت برحلـة العمـس معـيـوف◆ولاعــاد لــي فــي داجــر اللـيـل مـرقــاد
- 33لادجــت بــك لـيـلـي تلمـسـتـك اطـيــوف◆والـــي بـقـالـي بـالـرجـا مــنــك مــــازاد
- 34لاقلـت طـالـت غيبـتـك. قلـتـي اضــروف◆لوتعـذر الحـجـه هــوى صـاحـب اعـنـاد
- 35كم كم وانا ازهم مسمـع الحـي بحـروف◆وأسـتـنـجـده فـيـهــا وانــاديـــه مــافـــاد
- 36صحـت وتقـطـع بالـخـلا حـلـق ملـهـوف◆والـصــوت مـفـلـس مـالـقــا حــيــد رداد
- 37ولازلــت نـاشـد للـرجـا.فـرد مـضــروف◆يـغـنـي بـيـانـه كـــل مـــن جـــاه نــشــاد
- 38كـلـي كـتـاب لحـضـرة الـكــل مـكـشـوف◆للـصـلـح قـــام و صـــادر الـمـسـك وراد
- 39والآه لــو تُحـسـر لـقـت بالـرجـا أووف◆لــو نـلـت مطـلـوبـي هنـاواطـعـم الـــزاد
- 40مـيـر الـبـلا دايــم بالأصـبـاع مـطــروف◆والعـيـن ماتسـلـم مــن اعـيــون حـســاد
- 41والـدمـع مايسـلـم مــن شـفـاي ملـقـوف◆وشفـيـك ووش يقـنـع شـديــد وشـــداد
- 42أسـلـم لــي افــرد للبـحـر طــي ملـفـوف◆وأبـحـر مــدام ان الـعـذل ســـوط جـــلاد
- 43وأجمـع شظايـا حلـم بالـيـاس منـسـوف◆ووجــدي تفـطـر مـــن مثـايـلـه الأكـبــاد
- 44أبـتـركــه والـطـايــف بـعـابــر يــطـــوف◆ويكـتـب لــه الـمــازن وفـــا. لـلـوفـا ذاد
- 45يـاشـوك. لاتمـشـع مغـاريـزك الـصــوف◆وطـالـبـك لاتـجــدع مواصـيـلـي احـــداد