اتعبني التقسيم والطرح والضرب
سلطان الجالي17 بيت
- 1أتعبني التقسيم والطرح والضـرب◆والجمع وش يسوى عنى.غير ذالك
- 2وحبل الرشا.ياطي ماينقـل الغِـرب◆مقطوع وسط البير لامـن بدا.لـك
- 3لاحول ولاقـوه ولاتدحـم الـذرب◆جذب الجبا.ماوافق اعـزوم حالـك
- 4من يجهلك مايعرفك يحسبك خَـرب◆لوالمنـاره بينـه مــن هـلالـك
- 5والمطلع الي يشرق بعينك الغـرب◆لوتسأله يمكـن يجـاوب سؤالـك
- 6قبل الشراره كودها يقـدح الحـرب◆واقول مالي فيـك وتقـول مالـك
- 7وتثورمعك الروم والفرس والصرب◆والـراوي اللـي تنشده..ماروالـك
- 8والنفس الأماره ورى الهايم الطرب◆الغاوي اللـي يشبـه الليل.حالـك
- 9واللايمه ماتقضـي بلومهـا ورب◆لوقلت كم يدخل هوى مـن خلالـك
- 10والمطمئنه راضيه ماجنـت ثـرب◆تاخذ مطيتها ثبـات البـرا ..لـك
- 11ياغانم اللي مغنمه ماهـو ابتـرب◆قدم يمينـك قبـل تسبـق شمالـك
- 12انا ادعي الله خالق العُجم والعُـرب◆والكون واللي ماادركتـه المـدارك
- 13هو مفزعي في شدة الضيق والكرب◆هو منجدي من غب هول المهالـك
- 14ياخالقي لاتحرم اعروقـي الشـرب◆يارب اغثني واحمني فـي ضلالـك
- 15يامن يصفّ برحمته قابض السرب◆فضلـك هـداه وعلمـه للمسالـك
- 16طالبك تهدي خطوتي مسلك الـدرب◆اللـي يمسكنـي عـراوي حبالـك
- 17جيتك ذليل ومنكسر راجي القُـرب◆ماعنك مهرب منك ياالله سوى لـك