للوطن لبيه
سعيد بن دري الفلاحي9 بيت
- 1للوطن لبيه يوم انه نِهَم، ولنداه انقوم كلنا بالزحام◆كلّنا للدار نوقف باللِّزَم، للدفاع وكل ما يغلا يسام
- 2نَفتدي الاوطان بارواحٍ ودم، ولا نعيش إلا على راس السنام◆يا علمنا عهد منّا يا عَلَم، نرفعك ونثبّتك فوق الغمام
- 3حِن لغمٍ للي يحطون اللغم، وحِن منايا من يضدّون السلام◆ضيفنا يَقلط على بِن وشَحَم، والعدو ما لِه سوى قَص العظام
- 4من عِزانا يَبشر بسِعده وتَـم، والله انّه لا يهان ولا يضام◆عزمنا يكسر قويّين العَزم، وباسنا من شدّته لا ما يرا
- 5ان اعتزينا كل صفٍّ ينقسم، حِن عيال العود مَسمِيّ المقام◆زايد اللي حطّ له فعل ورسم، في الشجاعه والمواقيف الجسام
- 6لي تعلّا فوق هامات القمم، الحسام اللي على الظالم حسام◆نهزم اللي يَهزم وما يَنْهزم، لاجل موطننا وقايدنا الهمام
- 7يا زعيم الدار حزِّم واحتزم، ابشغاميمٍ لكم درع وحزام◆م القِدَم هلنا يسوقون القِدَم، للمنايا وكنّها برد وسلام
- 8يا محمد حن معك وقت الحَسم، يا حصانٍ ما تعلّك باللجام◆يا أسدنا كان تبغينا نهَجم، والله انّا بيوم ناخذ حق عام
- 9ندحر المغرور ونخَزم الخشم، دون دولتنا وقادتنا الكِرام◆للوطن لبّيه يوم انه نهم، ولنداه انقوم كلنا بالزحام