همس الوله
سعود بن عبد الله8 بيت
- 1همس الوله وحكايتك ما تكفي◆دام الهوى في مراية العشق تذكار
- 2لا تروح بي يمّك ولا اجيك ابغفي◆على وسايد الغلا واسمع اخبار
- 3تعبت ترف العين ياللي بطرفي◆دايم تبشر بغلاك بس ما صار
- 4اجيك بشموع الغلا وأنت تطفي◆كل النجوم اللي على سحب الاعذار
- 5ياللي في قلبي بان لك كل مخفي◆وش عاد في المفضوح بتدور اسرار
- 6اما تجي للحب وانت متحفي◆والا فخلي العشق للي على نار
- 7غنيت لك جرحك وشلته بدفي◆على بحر خنجر غرامك والاقدار
- 8عطني مراكب من جفا يمكن اجفي◆ياللي تعلمني الغرق وانت الإبحار