مولد امة
سعود بن عبد الله42 بيت
- 1مولد امة (اوبريت)◆هجن وخيل .. عشق مع شوق وأمل
- 2ليل طويل .. لونه مثل لون الكحل◆منّه سرى عبد العزيز .. وبعده طلع صبح جديد
- 3وردة ربيع تبتسم .. في يوم مولدها المجيد◆في الموعد اللّي تنتظر .. عذرا نخت رجّالها
- 4ما عاد حسّب للعمر .. نادت له ولبّى لها◆برد وسموم انحبها
- 5في سلمها في حربها نحبها◆العشق في دنياي هي .. وفي شمسها بسمة وضي
- 6في قلبك الشوق الكبير .. حاكني عنّه شوي◆حاكني عنّه شوي
- 7المنطقة الغربية :◆معشوقتي .. معشوقتي
- 8منها بدت هجرة نبي..◆وفي أرضها نزل الوحي..
- 9يبقى على طول السنين..◆معشوقتك .. معشوقتي
- 10مكة ترى عز لنا ..◆ومن الحرم نور وسنا
- 11رسالة وحلف ويمين◆لبّوا الحجاج في شوق وحنين
- 12توجهو لك راكعين وساجدين◆تفتخر طيبة بها قبر الرسول
- 13ومسجد فيها يزوره مسلمين◆غرّد القمري وفي الطايف شدا
- 14والشفاء تضحك له ورود ولهدى◆هي عروس البحر أحلى شذى
- 15للبحر بسمة وجدّه بسمتين◆المنطقة الشمالية :
- 16حاضر وماضي بالشمال◆يبقى على صدر الثرى
- 17ذكرة سقت عطش الرمال◆عرعر لمن جاها ضحوك
- 18ونجوم للساري دليل◆طريف والوجه وتبوك
- 19اجاء وسلمى جيتها .. وحايل بها هنيتها◆أرض بها حاتم ربا .. أرض الكرم سميتها
- 20لقيت للماضي أثر .. الجوف به مسجد عمر◆وفيها قصر مارد بقى .. يحكي سنين من الدهر
- 21المنطقة الشرقية :◆قمرا مع ليل وبحر
- 22دمام وظهران خبر◆متزينة صبح ومسا
- 23نسمة عبير في القطيف◆في بردها والاّ في صيف
- 24ومشتاق أبى شوف الحساء◆شربت من عيون الحسا وأكلت من تمر النخيل
- 25ولون الغروب اللّي كسا درب مشيته للجبيل◆لقيت به شي يهول في أرض الصناعية والذهب
- 26بترول للماضي : يقول خلاص ياوقت التعب◆المنطقة الجنوبية :
- 27تكتب على متن السحب◆أبها عروس في الجنوب
- 28وصبيا تداعبها طروب◆تعانقت غيمة وجبل
- 29ومن المعانق أمطرت◆وسودة عسير تورّدت
- 30ذيك الروابي والسحاب .. وتهامة غطّاها الضباب◆الباحة عشق أهل الجنوب .. وجيزان وأبها والشعاب
- 31وأنا لاجيت الخميس .. ونجران وظهران الجنوب◆ماعاد يبغى لي أنيس .. إلا السحابة والهبوب
- 32المنظقة الوسطى :◆منها بدا نور الجزيرة في نهار
- 33شمس سناها بان في كل الديار◆بسم الله أبدا قالها عبد العزيز
- 34وسط الرياض وكل ما ينويه صار◆أحلى الديار من القصيم إلى الحريق
- 35أصبح ينوّي حكمها وأمسى بها◆الماضي اللّي صار للحاضر طريق
- 36قصة عشق من سمعها غنّى بها◆قلبي تولّع بالرياض .. حب ورثته من الجدود
- 37يا صفحة ناصعة البياض .. زرعتي الصحرا ورود◆يا نجد يا أرضي وسماي .. يعجز عن الوصف اللسان
- 38الحب مالي فيه رأي .. وما أظن لي غيرك مكان◆اليوم من بعد الشتات صارت مثل وصف الجسد
- 39في عز في أمن وثبات .. في ظل أبو فيصل فهد◆وذراعه اللّي له يمين .. ولي عهده الأمين
- 40واخوانه وكل آل سعود .. والشعب كلّه مخلصين◆برد وسموم نحبها
- 41في سلمها وفي حربها◆نحبها .. نحبها .. نحبها
- 42مملكتنا عشق كل المسلمين .. ما أكثر الحسّاد واللّي عاشقين◆والله إنّك دمنا بعروقنا .. للعمر دونك ترانا مرخصين