في ها البحر غرق
سعود بن عبد الله9 بيت
- 1لا تقطف الورده ولا تقطع العرق◆خله يموت ان ودك لحاله
- 2خلك تشوف الفرق ياجاهل الفرق◆عساك تحلم كل يوم بخياله
- 3تسمع هديلٍ ما بقاله ولا ورق◆ما غيرك اللي داريٍ وش جراله
- 4ياقلب لا صار العنا ينسرق سرق◆لا عاد تنشد عن ليالي وصاله
- 5غنيت لك طرق وضيّعت لي طرق◆اثره يشيل القلب فوق احتماله
- 6الشمس من وين طلعت سمّه الشرق◆والغرب كحّل هالسنين بلياله
- 7دوّر سحاب للرعد ما احترى برق◆لا صار هتان المطر في خياله
- 8لك صاحبٍ ما خاف في هالبحر غرق◆وكل البحور اللي تغرق فباله
- 9الا بغيته فوق كل النجوم ارق◆ترديدنا بعض السوالف جهاله