مرتاح
سعود البابطين8 بيت
- 1مرتاح ولا يتصنع قلبك الراحه◆شايل في خاطرك ولا البال متهني
- 2مجروح ولا شفى قلبك من جراحه◆زعلان للحين والا راضيٍ عني
- 3شخبار قلبك عسى ما فارق افراحه◆ادري جرحتك وشلت بخاطرك مني
- 4خسران بعدك وقلبي ضاعت ارباحه◆غلطان ادري وابي منك تسامحني
- 5تدري عيوني بغيابك ما هي مرتاحه◆تبكي على فراق طيفك وانت ذابحني
- 6ياللي ذبحني غلا شكرا على رماحه◆اللي طعني بها وما يوم ريحني
- 7جيتك من الشوق والاشواق ذباحه◆اسال عيونك عسى للحين تذكرني
- 8راضي بجرحك وانا ما اتصنع الراحه◆تكفى عشاني ابي ترجع وتسمعني