يا ناس احبه
سعد الخريجي8 بيت
- 1يا ناس احبه واحب اسمع سواليفه◆صوته يشتت هموم عايش فيها
- 2يامر وينهي وانا دايم على كيفه◆أرجي ورود الهوى تنبت بأراضيها
- 3لاغاب عني يعيش الفكر مع طيفه◆وان صار عندي حياة الحب الاقيها
- 4مسكين قلب ٍ شكى غيبة مواليفه◆عزي لعله تعذر من يداويها
- 5ظل ظليل ٍ عليّ وغصونه مريفه◆شمعة زماني عسى الله ما يطفيها
- 6أنسل من نظرته لأهل الهوى سيفه◆ويطيح قلبي من غصون ٍ نبت فيها
- 7لامن ضحك لي خذت قلبي تواصيفه◆ولامن زعل عفت انا الدنيا ومافيها
- 8لجل ان احبه واحب اسمع سواليفه◆صوته يشتت هموم عايش ٍ فيها