الا ياطير
سامي الجمعان12 بيت
- 1الا يا طير صادوك في الغرايب والاقدار◆لونك حذر يا طير ما كان يصادوك
- 2ناديت لك مره ومرات وامرار◆صاوختني وجاوبتهم يوم ينادوك ..
- 3اصرخ بعد واشكي ليه تحتار◆وتقولي ليه بعزة النفس ذلوك ..
- 4هذي الحقيقه وش تبي عكس ما صار◆وتعز لك ناس ٍ على ناس عزوك ..
- 5انت تظن اهل الوفا بالهوى كثار◆طالع ظنوك للآسف وين ودوك
- 6يا ما نصحانك انتبه حولك النار◆رجل ٍ على الجمره ورجل ٍ على الشوك ..
- 7هم صوروا لك حبهم شي ما صار◆حتى شعورك بالاحاسيس غشوك ..
- 8وياللي نسيت ان الزمن دوم دوار◆جازيتنا بالظلم وبالظلم جازوك ..
- 9جابك زمانك عندنا وصار ماصار◆نفس الخُطا اللي ودتك امس جابوك
- 10والله توقعنا بتجي شايل الاعذار◆عارف خطاك بحقنا يوم خانوك ..
- 11قلنا الهوى ماهو غصيبه وإجبار◆لو كان حبك صادق ٍ كان حبوك ..
- 12احنا الآمل واحنا الهوى وشمعه الدار◆واحنا الحبايب اللي ما يوم خلوك ..