مــعـــانــاة
سالم سيف الخالدي11 بيت
- 1لا تمشيني على شاطي العذاب◆لا تحملني على ذنوبي ذنوب
- 2لا تخليني حبيس الاكتئاب◆والزمن يجتاحني من كل صوب
- 3انت عمري وابتساماتي العِذاب◆وانت من غيرك ترى ماني امحسوب
- 4مثل صفر خالف أرقام الحساب◆في شماله تاه يبحث عن جنوب
- 5انت تعرف إيش معنى الاغتراب◆وانت تعرف ايش تعذيب القلوب
- 6ما باقلي قلب يدرك للصواب◆تعصف بفكري متاهات الدروب
- 7ما خفيته بان في عيني كتاب◆يحتوي اكثر من أحزان الشعوب
- 8في حروفه عن معاناتي جواب◆والحزن ما بين طياته يذوب
- 9أه يا قلب من أسبابك مصاب◆ينتحب وجده وشمسه في الغروب
- 10إن نصحته عاد يشكي لي صواب◆وان تركته .. في صدى الذكرى يجوب
- 11وارجع إلنفسي واحملها عتاب◆واهرب بهمي ولا ينفع هروب