صورتك
سالم سيف الخالدي14 بيت
- 1لو تشوف اللّي أنا اشوفه◆لو قرَبْتْ وغصت باعماقي
- 2لو لِمَسـك الحـب بكفوفـه◆كـان مـا شككـت باشواقـي
- 3مِنكْ حالي قـرّب احتوفـه◆يـا حبيبـي وش بعـد باقـي
- 4الزمـن تطعنّـي سْيوفـه◆ويـن بالقـى درعـي الواقـي
- 5شمس حبّي مِنـك مكسوفـه◆والغـرام اسْـوَد واعتاقـي
- 6مثـل ليـلٍ حالـكٍ شوفـه◆بالظـلام ولا بــه اشـراقـي
- 7مهجتي عطشا وملهوفه◆وانـت فـي شريانـي السّاقـي
- 8ليش قلبك غيّر اشفوفه◆وانت ذوقك في الهوى راقـي
- 9يـا غـرامٍ طــوّل وقـوفـه◆مــا تغـيّـر فـيـه ميثـاقـي
- 10أحضنه وآسامر اطيوفه◆واحْبِسَهْ فـي نبـض خَفَّاقـي
- 11قصّتـي ويـاك معروفـه◆وان نسيـت اتنشّـد الشّـاقـي
- 12فيك شِعري واسأل حْروفه◆واسأل اقلامي والاوراقي
- 13أسمعك فـي كـل معزوفـه◆وانظـرك بوجـوه عِشَّاقـي
- 14صورتـك للعيـن مألوفـه◆مـا تفـارق نظـرةْ أحداقـي