صـمــت الـحــروف
سالم سيف الخالدي8 بيت
- 1إن جيت باحمّل حروفي همومي◆شفت الحروف اتشيل هم أشيله
- 2حاورتها شديت فيها عزومي◆واتعذرت في جملة مستحيله
- 3قالت أنا: ما عدت أقضي لزومي◆غير التغزل بالفتاة الجميلة
- 4أوصف مفاتنها بفخر وعلومي◆عند العرب وأسمر لها كل ليله
- 5إن جيتهم بالرفض كسرت سهومي◆داسوا عليه وجعلوني ذليله
- 6وش لي بهمك يا سليل القرومي◆شف حالتي مثلك حزينه .. عليله
- 7أنا نسيت أحداث أمسي ويومي◆أنا نسيت المجتمع والفضيله
- 8عزمي تكسر بين صحوي ونومي◆وأيقنت أن الصمت أحسن وسيله