تجربة
سالم سيف الخالدي11 بيت
- 1ابتعادي عنك كانت تجربه◆ودي اعرف وش كثر بتحبني
- 2لا تصدقني تراها مداعبه◆جات في بالي وقلبي ردني
- 3العمر غربة بدونك متعبة◆قلت اجربها وبعدك هدني
- 4قلت اذوق العد مرة واعذبه◆هم ياخذني وهم يردني
- 5كنت اظن اني رهاني بكسبه◆وما قدرت أعيش دونك واهتني
- 6اعتذر لك والعفو منك اطلبه◆يا هنا عمري رضاك يهمني
- 7الزمان اللي مضى لا تحسبه◆عيشني دنيا جديدة وزيدني
- 8كفكف دموعك وخذ عمري هبه◆كيف ما ودك حبيبي عيشني
- 9حبك الغالي وسام ومرتبه◆افتخر فيها وانا عمري هني
- 10والغلا لو زاد لا تستغربه◆شي في نفسي إليك يشدني
- 11والوفا والحب منك اعتز به◆انتمي لك حب صادق وانحني