اكرهك
سالم سيف الخالدي8 بيت
- 1أكرهم في حضرة العذال للتمويه◆وإلا انته أعز وأغلى شخص في كوني
- 2معـاك قلبي تفضل إسئـله من فيه◆وإلا تحسس غلاك بمقـلــة عيــوني
- 3حبك بقلبي وعيني كيف أنا بخفيه◆أصد واكسر عيوني لا يعرفونـي
- 4إذا خـفـيـتـه عن الحسـاد لجل احميه◆وأجنبه كبرياك وثورة شجونـي
- 5الحب مني وفيني آخذه واعطيه◆من يستحقه ولا ارضى دونه الدوني
- 6يختال في مهجتي في حاضره وماضيه◆مستقبله يا حياتي فيك يحدوني
- 7أنا حبيبه صحيح وليتني قاضـيـه◆بأخذ حقــوقي وبعطيها لمضنوني
- 8تستاهله لو ملكته بالكبر والتـيــه◆تستاهله وانت فيه امهزع اركـوني