أتــردد للمــكــان
سالم سيف الخالدي10 بيت
- 1أتردد للمكان اللي انت فيه◆كن فاقد شي في ذاك المكان
- 2أتعذر باي شي واسأل عليه◆والوله في نظرة عيوني يبان
- 3إن سئلت أقول لي شي وأبيه◆بس مدري وين في ذا الركن كان
- 4غالي الاثمان .. يبشر من لقيه◆ضاع مني ضاع والدنيا أمان
- 5ان عزمت أشرح غرامي وابتديه◆وانتقي أحلى عبارات الحنان
- 6شفت عينك تعصر بقلبي وحكيه◆وأنسى كل اللي جمعته من زمان
- 7كيف أقاوم ومش به كبر وتيه◆كيف أوضح ما يطاوعني اللسان
- 8تلعب بقلبي وقلبي انت فيه◆مثل لعب العاصفه بالخيزران
- 9آه لو تدري بجرح أشتكيه◆في خفايا الروح حبك له كيان
- 10أعشقك واللي عشق وش في يديه◆يصبح بهم ويمسي في هوان