وحدة وطن
ساري90 بيت
- 1وحدة وطن (اوبريت)◆إنت الوطن .. إنت الوطن
- 2اللي سقوا من .. شوقهم .. من عزمهم .. من دمهم◆يوم الوطن نخلة وبيت .. سقفه سعف
- 3يوم الحياه صبر وكفاح، كان الهدف◆وحدة وطن، وهذا الوطن كل الوجود
- 4كله وفا حتى ولو شاف الجحود◆يجحد ولد .. ويوفي ولد
- 5تبقى حنون .. للي وفا واللي جحد◆أنت الوطن أرض الجدود
- 6أهلي الحضر .. وأهلي البدو◆اللي على المله عدو
- 7خلف الولد .. اللي شرب من ثديها .. طعم الوفا◆عبد العزيز اللي ملك فينا القلوب
- 8قبل المعارك والحروب◆اللي بنى هذا البلد
- 9وفى وكفى بالوعد◆واللي فرض خمس الفروض
- 10ما جت لبوتركي حظوظ◆وحدة وطن .. وحدة ثرى .. وحدة قلوب
- 11وحدة ولاء وحدة غلا وحدة دروب◆أما كذا وإلا فلا تحيا شعوب
- 12يا وطنا لو نقول اللي نقوله◆ما نوفي في الكلام اللي نقوله
- 13روح شعب وقلب عبد الله ودوله◆دايم الصوله لنا في كل جولة
- 14في ثراه وفي سماه وفي جباله◆عز شانه فوق من عزة رجاله
- 15كلنا له حب من عرضه لطوله◆تقصر الكف اللئيمه ما تطوله
- 16قال جدي يا ولدي أنتم في نعمه◆ادعو رب الكون لياها تزول
- 17واشكروا من جابكم من خير أمة◆ولوذوا بالرحمن مفتاح الحلول
- 18والزموا عهد عزيز◆للملك عبد العزيز
- 19إن أحدكم ما يبور◆مهما دنياكم تجور
- 20وقال جدي احذروا فكر غريب◆المطامع حولكم ترجى نصيب
- 21واحذروا الفتنة تراها ثم تراها◆كلمة بالحق لكن وش وراها
- 22قلت يا جدي ترانا◆ما نفرط في شقانا
- 23حنا أحفاد الموحد◆ويومنا بيد المجدد
- 24اللي آمن بالحوار◆وخلى للكلمه منار
- 25قايد الخير النصوح◆غارس فينا طموح
- 26لا وربي ما نبور◆مهما دنيانا تجور
- 27من لبس ثوب الديانة .. غدر وارهاب وخيانة◆خاين خان الأمانة .. ما يدنس سورنا
- 28ومن قتل نفس بريئة .. ظالم ونفسه دنيئه◆دونه سيوف جريئه .. ما يطفي نورنا
- 29من يكفرنا نقول .. قولنا قول الرسول◆والسند كله عدول.. هل شققت قلوبنا
- 30الجواب أغنى السؤال .. الطموا خشوم الضلال◆لا مساس ولا خلاص .. بيننا نار تلظى .. بيننا ضرب الرصاص
- 31لا يحسبون الجهاد .. سعي في الأرض وفساد◆الجهاد إنك توقف.. دون عزة هالبلاد
- 32من لبس ثوب الديانه .. غدر وارهاب وخيانة◆خاين خان الأمانة. . ما يدنس سورنا
- 33ومن قتل نفس بريئه.. ظالم ونفسه دنيئه◆دونه سيوف جريئه.. ما يطفي نورنا
- 34حنا شقائق هالرجال◆قول النبي ما به جدال
- 35واحلامنا مهما تكون احلامنا◆والله ما نرضى بغير اسلامنا
- 36ربينا أجيال صغار◆ونوقف ورا رجال كبار
- 37بنت السعودية وفيه◆وحقوقها ما هي هديه
- 38ما دام رب الكون شرعها لنبيه◆كرم المرأة وجنبها الأذيه
- 39هذا قدوتنا الكريم◆اللي أوحى له عليم
- 40هذي اختك يا سندي◆وهذي بنتك يا سعدي
- 41وانا أمك يا ولدي◆لا يا بعدي. . لا يا بعدي
- 42يا ما شقيت إن صابكم أمر ردي◆أنتم ترى عزي وعوني وسندي
- 43لا تجرحون اللي تداريكم حنون◆ولا تبعدون أنتم ترى ضي العيون
- 44أنا ما عمري شكيت◆حتى لو مرة بكيت
- 45يا رضا الرب الكريم .. كل شيء الا العقوق◆ابشري حب وشوق .. انتي صاحبة الحقوق
- 46مهما نبعد أو نروح .. إنت دم في العروق◆واختنا منا وفينا .. بيننا ما به فروق
- 47فضلكم وحقوقكم .. الله شرعها لنبيه◆لا أبد ما هي هديه .. لا أبد ما هي عطيه
- 48ابنك ابنك يا وطن◆لا يغرك صغر سني
- 49مع شقيقي وابن عمي◆واختي اللي فمثل سني
- 50نمشي في ركب المسيره◆ونملك احلام كبيره
- 51بكرة أكبر يا بلادي◆فيك واحقق مرادي
- 52ذا وطنا هو املنا◆وحنا فدوة يا بلادي
- 53تسلمين يا ديرتي من كل شر◆لا عدو يفرح ولا حاقد يسر
- 54واسأل الله خالق الكون العظيم◆يحفظك من كل شيطان رجيم
- 55يا الله لا تخيب رجا طفل صغير◆واجمعنا يا ربي على وحدة مصير
- 56نسألك باحساس من يرجي القبول◆لا تخيب دعوة احباب الرسول
- 57هذا ملكنا من يباهينا بملك◆وهذي قلوب الشعب صارت منزلك
- 58يا شبه اخو نوره ويا فدوة هلي◆يغني عن الإعلان موقفك الجلي
- 59عبد الله يا باني وطن وإنسان◆حامي الحمى بالسنة والقرآن
- 60هذي الزعامة لايقه لك يا ملك◆ما غرك الملك العظيم أو غيرك
- 61كيف ما نفخر وتتعب راحتك◆لعيون شعبك والعدالة ميزتك
- 62عبد الله يا باني وطن وانسان◆يا بو متعب يا كثر مدت يدينك
- 63ما درت عنها يسارك من يمينك◆حزم وعزم وفيك عفو ومقدره
- 64كيف ما نفخر وانت رمز المفخره◆أنا المواطن يا مليكي وسيدي
- 65هذا ولائي بالفعل ما هو حكي◆وانا السعودي ديني الإسلام وأصلي يعربي
- 66ما همني قلب حسود أو حقود أو ردي◆وإذا دعا الداعي وخان المعتدي
- 67قرآني بصدري وسيفي في يدي◆أبشر بنا سمعا وطاعه سيدي
- 68أنا سعودي الولا كفي ندي◆في ذمتي .. الروح ما تغلى على محبوبتي
- 69في ذمتي .. حلفت باللي عز شانك قبلتي◆بالروح أفدي ديرتي
- 70هذي سلومي وملتي◆يا ملكنا فيك نكبر يا مهاب
- 71يا قوي الباس يالراس الصليب◆دوك شعبك في يدك مثل الكتاب
- 72سطر التاريخ يالنجل العريب◆مرتكي للحمل من توك شباب
- 73تلطم الخوان وتضد الحريب◆في دروب المجد تمشي ما تهاب
- 74راية التوحيد في كف النجيب◆ويا ولي العهد يا الراي الصواب
- 75يا كريم النفس ما ردك صعيب◆يا يمين للملك راقي الصعاب
- 76لا تلفت صرت له أقرب قريب◆كم كسرتوا بحلمكم كف وناب
- 77وكم تداوى بعطفكم جرح عطيب◆خابت النفس اللئيمه ثم خاب
- 78من نوانا بشر وافهم يا لبيب◆لا تظن يا من يخايلنا بسراب
- 79إننا نرخص حمانا يالغريب◆دارنا من دونها جز الرقاب
- 80وموتنا توه يابو متعب يطيب◆سر بنا يا سيدي مثل الشهاب
- 81من يهاب المجد يقصر ما يصيب◆لو دعانا الموت أرخصنا الزهاب
- 82الكفن محزم وسيف الله خطيب◆هب من صدري هبوب
- 83كله احساس وحب◆لا .. ولا شرق وغرب
- 84الولاء فينا تجسد◆نحمله في كل درب
- 85ما يخونك يا بلد◆هالجبين اللي سجد
- 86ذا وطنا اللي نصونه .. دونه نموت بشرف◆نتفق حنا ولكن .. العدو فينا اختلف
- 87يا ديرتي .. يا عزوتي .. يا كل شيء بدنيتي◆شمتي وشمنا عن أقاليم ومناطق
- 88وصارت الوحده لسان الحال ناطق◆لاتباين بيننا .. بيننا ما به فروق
- 89عزنا في ديننا .. ونتساوى في الحقوق◆دام في روحي هويه .. تثبت أصلي السعودية
- 90
مقام: راست