مراسي الشوق
ساري12 بيت
- 1مراسي الشوق لا هذا المدى كافي◆وين الوله يا مراسي الشوق ودّانا
- 2تعال بسم الحياة و حلمنا الغافي◆نبدأ حياة جديدة كانه امدانا
- 3مرساي، ريحي، شراعي، حلمي، مجدافي◆قطار الأحلام توّه ما تعدانا
- 4تعال انا وانت نعلن حلمنا الخافي◆نمشي سوا ونتحدى من تحدانا
- 5يا اللي عيوني بدونك نورها طافي◆أروى الوله ضيّها من عقب مروانا
- 6يا بارد القلب وين احساسك الدافي◆اغلى المواعيد مرّت ليه ما امدانا
- 7ولاي في الروح يا روحي وميلافي◆اللوم في مثل هذا اليوم عدّانا
- 8يا أجمل حروف عمري وأعذب أوصافي◆تذكّر الحب يوم الشوق نادانا
- 9البعد كدر علينا جونا الصافي◆لكن ترى ما تغيّر خط مبدانا
- 10قدرك على الراس وهمومك على كتافي◆اشيلها عنك كان الوقت عدّانا
- 11يوم الحبايب لفوا يا حي هـ اللافي◆على اصدق احساس كل الناس بدّانا
- 12دامك معي وافي وانا معك وافي◆لابد ما نستريح ونقهر اعدانا