كلي وله
ساري11 بيت
- 1كلي وله ليل وشموع وأماني◆أسهر على شانك وأنا ماحكيت
- 2جيتك مراكب شوق وين المواني؟◆ميت على شوفك وأنا ماشكيت
- 3أنا أحبك إنت ما أحب ثاني◆وإنت تداري خاطري ما دريت
- 4اليوم ساعة والدقايق ثواني◆رتب مواعيدي متى مابغيت
- 5يا سلوة الخاطر وضحكة زماني◆عطني مدى عيونك مدينة وبيت
- 6الله من ليلٍ طويلٍ بلاني◆لكن على شاني أحبك سريت
- 7في غيبتك عز القصيد ونساني◆ذاب الوله في خاطري وإحتريت
- 8عطني مدى عيونك وأنا في مكاني◆أشوف وش سويت بي وش نويت
- 9يا مصحي الأشواق عطني مكاني◆ياحر جمرٍ في غيابك وطيت
- 10آخر كلامي وإختصار المعاني◆وش حاجتك في قلبيَ اللي خذيت
- 11عطني جناحين وصباح وأغاني◆وأجيك مثل الطير لا من دعيت