اوجه المعنى
ساري11 بيت
- 1أوجَه المعنى على ما توجه◆الله يسامحني على كل ما فات
- 2عديت ف الميقات خمسين حجه◆مرت علي صعبه وعدت سهالات
- 3خذيت لي في فسحة العمر سجه◆ويا ما جرالي بأول العمر سجات
- 4خليت هراج القفى مستلجه◆ما عاد فيهم شدة للمهمات
- 5من شاف قلبه للعزيزّ متوجه◆يموت من دونه ترى العز وقفات
- 6الوقت ما كدر غديري ورجه◆والعزم عزم اللي يشيل الثقيلات
- 7الضعف مالي فيه والذل أمجه◆والناس مثل البحر والصدق منجات
- 8إحرص على اللي باب صدره يهجه◆حرصي على المعنى وترتيب الأبيات
- 9يقل قدر الشخص لا كثر هرجه◆لله در اللي خذا الطيب بسكات
- 10وعلم خفيف طار مع كل عجه◆راسي المعالَي وإختصار المسافات
- 11من لا عسف خيلِ ولا شد سرجه◆أقروا عليه الفاتحه والتحيات