اشغلوك الناس عني
ساري8 بيت
- 1اشغلوك الناس عني ياملاك◆وانت قبل اليوم ماتقوى البعد
- 2جيت اجرب بعدك اشغلني غلاك◆واثر قلبي يحسب الوقت ويعد
- 3الثواني فى فراقك لي هلاك◆وانت لا من غبت عني فى سعد
- 4وش حصلك وش جرالك وش بلاك◆وش تعذر وش تقول و وش بعد
- 5قلبي اللى باع غيرك واشتراك◆وعن هوى غيرك تنحى وابتعد
- 6من سبايب صدك وحدت جفاك◆غيمت دنياه واشتد الرعد
- 7مايبي فى الخلق محبوبٍ سواك◆وان نزل حظه معك ولا صعد
- 8منوة القلب الذي حبك رضاك◆يابعد كل من وقف ولا قعد