ابعد
ساري8 بيت
- 1إبعد بعيد هناك ما تعرف الحب◆إرحل ترى ماهوب هذا مكانك
- 2خل الحكي عني وخلك على جنب◆ما عاد تخدعني حلاوة لسانك
- 3لا عاد ترجيني ولا تطلب القـرب◆ما صرت مثل أول أدوِّر حنانك
- 4ألوم نفسي يوم سلمتك القلب◆والا إنت ما تستاهل أتعب على شانك
- 5مالك عليّ شرهة ولا لك عليّ درب◆ياما نِصحتك لا تحطم كيانك!
- 6غلطتك يا شاطر ودور لها طب◆لا تحسب إني رهن إشارة بنانك
- 7حطيت نفسك ليه في الموقف الصعب◆عاتب ضميرك لا تعاتب زمانك
- 8إتعب مثل ما كنت من حبك اتعب◆إتعب كثر ما كنت أنا أتعب على شانك!