هي بإختصار
زايد الرويس14 بيت
- 1مدري ش.. اقول لدمعتي وانكساري◆مدري ش.. اقول لضيقتي يوم جتني
- 2لا الليل ليـل ولا نهـاري نهـاري◆كن الجبال بكبرهـا فـوق متنـي
- 3ياليتهـا تلمـح دمـوع اعتـذاري◆أو ليتهـا علـى الأقـل كلمتـنـي
- 4حتى تعرف شلون شبيـت نـاري◆في ليلـةٍ مـن طولهـا طاولتنـي
- 5كلي حزين وكـل هالحـزن داري◆من اولـي للدمعـه اللـي خذتنـي
- 6لاخر مسافات الولـه واحتضـاري◆على رصيف اللوعه ان خاصمتني
- 7هي نبض عمري هي نهاية مساري◆هي عمر نبضي لا حكت وسمعتني
- 8هي رغبتي هي حاجتي واختيـاري◆هي ذكرياتي لا انتهيـت وبدتنـي
- 9هي رحلتي وحكايتي واختصـاري◆هي ضحكتي لا رحت عنها وجتني
- 10هـي كوكبـي لا والله الا مـداري◆هي طعنتي لا من ذكرت ونستنـي
- 11هي من تقررنـي وتاخـذ قـراري◆هي القرار وغيرهـا مـا عنتنـي
- 12هي راحتي هي رحلتي والمسـاري◆هي التعب لامـن بكيـت وبكتنـي
- 13هي حلم عمري يوم طال انتظاري◆هي انتظـاري لا غديـت ولقتنـي
- 14ياليتها تسمـع ضجيـج انكسـاري◆والضيقه اللي ضقت منها وجتنـي