عقارب تعبث
زايد الرويس12 بيت
- 1مسا الوقت الحزين وضحكة دموعي على الخديـن◆مسا هذا الفضا المخذول فينـي لآخـر اعوامـي
- 2عقارب ساعتي تعبث معـي وتمـارس التخميـن◆وانا اصرخ في مدى صبري تعبت وطاحت اقلامي
- 3سوالفنـا تسولفنـا وتاخـذنـا معـاهـا لـيـن◆يضجّ بنا السكـون وتلتحـف هالسكـه اقدامـي
- 4أبغرق في محيط من اليبـاس وضحكتـك تكفيـن◆أبيهـا تشعـل انفـاس الرضـا وتلـوّن ايامـي
- 5على شان اتسلـل مـن سكونـي واتعلّـق بيـن◆مجـراتٍ تجردنـي مـن امالـي مـن الامــي
- 6أبرسم لك على وجـه السمـا لا قرّبـت قلبيـن◆وابرسم بينهن سهـم اشتعالـه ينكـر الرامـي !
- 7كثر ما قلت احبك صدق احبك طيّب وبعديـن !!◆أبنعس لو ثواني فـي هدبـك وصحّـي احلامـي
- 8باشوفك مثل ما ودك أشوفـك لـو بليّـا عيـن !◆وباحبك مثل مـا ودي أحبـك وادفـي عظامـي
- 9لو ان الجرح غلطة وقت / محبوبك بدون يديـن◆ولا يحضن سوى هذا الغيـاب المُجـدب النامـي
- 10حبيبك يشعلـه هـذا الضيـاع بقسوتـه ويليـن◆سرق نور القمر واطعم حنينـه جرحـه الدامـي
- 11وانا اغسل من ضيا هذا المدى ضيقي ذكرت اثنين◆جنوني فيك وجنون الـورق لا صرتـي الهامـي
- 12ابكتب فيك ليـن القـى حروفـي والقلـم سكيـن◆وابقرا عنك عشقـي واتوّجـس خيفـة اعوامـي