شفة غياب
زايد الرويس17 بيت
- 1الشعر درب وبرد حـرب ورحابـه◆ضيق ووجع واحباب واقراب واسراب
- 2لو ما اكتبـه يكفـي أحـس بعذابـه◆يكفي أشوف الصدق ف عيون مرتاب
- 3لـه لــذةٍ لا فارقـتـه الرتـابـه◆له طعنةٍ مثل الجفـا بيـن الاحبـاب
- 4يمطر سما تخضّـر منـه السحابـه◆ينزل مثل دمع العزا بيـن الاقـراب
- 5أعنّ له واحـنّ لـه لا انتشـى بـه◆عطر اليدين وكحل من بين الاهـداب
- 6ياشعـر وحكايتـك فيهـا غـرابـه◆تعيش الاسما فيك وتمـوت الالقـاب
- 7وانا باعيشـك حلـم واقـراك غابـه◆واغازلك في شوق بشويـش ينسـاب
- 8واقـول للـي غـاب قبـل الإجابـه◆الحب ما يولـد علـى شفـة غيـاب
- 9تعـال واجمـع ذكريـاتٍ تشـابـه◆والا انثر ايامي سهر ليـل وعتـاب
- 10قـل للوفـا قـل الوفـا مـا يجابـه◆الشوق غابه والجفـا فـاس حطـاب
- 11مل انتظاري واحتضـاري بقـى بـه◆طلتك عند البـاب والا ورى البـاب
- 12خذ ما بقى بي لجل اقول انتهـى بـه◆والا اترك المنصاب ويموت منصـاب
- 13الجرح له ذكـرى تعيـش بصلابـه◆وان ذاب شمع الوجد فالحب مـا ذاب
- 14الدمـع لعيـون الخفـوق انتسـابـه◆لاطاح مرقاب الغلا فـوق الارقـاب
- 15ولمّت مـن قبـل الغيـاب العصابـه◆وجتني على غرّه ودوّرت الاسبـاب
- 16لقيت فـي بعـض الجـروح الكآبـه◆الى التقينـا حالنـا حـال الاغـراب
- 17والا الشعـر مافيـه غيـر الرحابـه◆لو الوجع يمشي على قلبـي اسـراب