خيوط الظلام
زايد الرويس13 بيت
- 1خيوط الظلام تلفّني يوم اطالعها◆تهز الضلوع بكل قسوه وتوجعني
- 2واشوف النجوم تطير بي يوم اتابعها◆واحس بمواجع قلبي لفوق ترفعني
- 3ويضج المكان بصرخةٍ مات سامعها◆ومعناه ما عندي أمل شخص يسمعني
- 4وانا عاصفة قلبي مثيره زوابعها◆تثاقل خطاي بوقتها وارجع اتبعني
- 5اوقف على حد السنين وطوالعها◆ولاشفت منها شي للمشي شجعني
- 6واذا الحب له لوعات غيري يصارعها◆انا لوعةٍ وحده من الحب تفجعني
- 7سنيني مطايا جفت اجمل مرابعها◆ووقتي عصيته وابتسم قال لي طعني
- 8حبيبي عسى دنياي تقطف روايعها◆ابي منك ترواني وابي منك تشبعني
- 9حياتي غدت قصه حزينه بطابعها◆وهو فيه غيرك للبكا صار يدفعني؟؟؟؟
- 10حبيبي دموعي منك جفت منابعها◆ترى مابقى الا دمعه آخاف تدمعني
- 11احبك وروحي في محبتك زارعها◆رموشٍ الى من سلهمت قلت تخدعني
- 12اضيع بمداها قبل اضيع بروابعها◆تشتتني بلحظه وترجع وتجمعني
- 13
عيونك تراها تلفني يوم اطالعها