حبيبة قلبي البارح
زايد الرويس14 بيت
- 1مسا البارح حزين بكل مابه من وجـع وهمـوم◆دفعني للضياع وطـاح قلبـي وانحنـت هامـه
- 2مسا البارح نهاية حب صادق يرفـض المقسـوم◆تعدتني مشاريهـه بعـد مـا انهـدّت احلامـه
- 3من اليوم الصباح اصبحت لا معطى ولا محروم◆تركت الحب لاهل الحب واللـي يتبـع اوهامـه
- 4خلصت من المحبه وانتهيـت بلوعتـي مهـزوم◆تركتك يا المحبه ويـش ابـي بالحـب وآلامـه
- 5بعد ما شكّ قلب المترفـه فينـي عدانـي اْللـوم◆ابطعن قلبي ب خنجر غلاهـا واكسـر اقلامـه
- 6تركتك يا الغزل شعر ومشاعر يقظتـي والنـوم◆وابرفع سعر قلبي لجـل يبطـي ماحـدٍ سامـه
- 7اذا ان المترفه شكّت بحـبٍ فـي سمـاه نجـوم◆عسى نور القمر يصبح وسط صدر السما شامـه
- 8حبيبة قلبي ( البارح ) ترى مالي حبيب ( اليوم )◆ولا بكـره ولا بعـده ولا فـي مقبـل ايـامـه
- 9حرام ان البني ( كل البني ) عنهن بديت آشـوم◆واذا انتي ما فهمتينـي بـلاش احيـا ب دوّامـه
- 10تعبت اصدق معك وانتي تشوفين السراب غيـوم◆ابلعن جد ابو حبٍ ( خذلنـي ) وانتهـى زامـه
- 11طعنتيني مسا البارح ب رمـحٍ غـادرٍ مسمـوم◆وتلطّخ بالدمـا ثـوب الغـرام وزيـن هندامـه
- 12انا ماكان في قلبي سـواك ودوك بعـض علـوم◆حبيبٍ كان وافي لك ثـلاث سنيـن ب صيامـه
- 13عسى دربك سفير ولا تقوليـن القـدر محتـوم◆واباخذ في يدي قلبي واصونـه واحكـم لجامـه
- 14وابطرد شيٍ اسمه ( حب ) من قلبي بدون سلوم◆بلا حب وبلا هـم وقريبـاً ب اعلـن اعدامـه