جهة خامسة للبكاء
زايد الرويس12 بيت
- 1من خلف جدران البعـاد اشعلـت نـاري وانطفيـت◆معـي السهـر واللوعـه اللـي تستفـز الذكريـات
- 2لا .. ما بكيت ... الاّ بكيت ... آسف انا فعلاً بكيت◆والدمعه اللي حوّلـت مثـل الشجـاع ليـا استمـات
- 3ياليتنـي مـا جيـت للـدرب الكئيـب ولا سريـت◆يا ليتنـي قـدام ادوس القلـب بالرجليـن مـات !!!
- 4أو ليتني ... هوّنت .. وش ينفع إلى من قلـت ليـت◆خلاص راحت واستحال الحـب واللـي فـات فـات
- 5تعال يا قلبي ب اسولـف لـك والـى منـك غفيـت◆ابطعنك ... لا لا .. اخاف ... اطعن غلا ست البنات
- 6اشوفها تبكي هنا في داخلك ... وش بـك سهيـت ؟◆ذكرتها ؟ حنيّت ؟؟؟ طيب بسألك ويش السـواة ؟؟؟
- 7وش ينفعـك يـا قلـب لا منّـك تندّمـت وخذيـت◆عهدٍ على نفسـك يكونـون البنـي مثـل الخـوات
- 8قم صب فنجال الندم واشـرب والـى منّـك رويـت◆إضحك على دجله وعلّمهـا عـن اسـرار الفـرات
- 9واكتب على سبورة احلامـك أخـذت ومـا عطيـت◆فـي يـدك طبشـورة غـرام وباقـيٍ منهـا فتـات
- 10غنّ الوجع .. واستنفر الآهات ... والاّ مـا دريـت◆إنّي بقايا انسان .... كان .... ولو تنـادي لا حيـاة
- 11هذا السهر إنشودتـه غنّـت معـي فـي كـل بيـت◆ترقّص على شفّة دموعي من ورا خمـس الجهـات
- 12( اليوم محتاج لدفا للشمـس ) معقـول انتهيـت !!!◆هـذا أنـا ف مرايتـي واقـف ... ولكنّـي رفـات