الشماعه
زايد الرويس13 بيت
- 1الـجـرح تـقـراه العـيـون ودمّ قلـبـي يكـتـبـه◆لا تلتحـف صمتـك ولا يسكـن زوايــاك التـعـب
- 2وانـا تهجيّـت الزمـان مـن اسهلـه ليـن اصعـبـه◆من اصعبه لين اصعبـه عفـواً تهجيّـت الصعـب
- 3يـا معلّـق الدمعـه علـى شماعـة البـعـد انتـبـه◆إن طاحت الشمّاعـه إتطيـح الدمـوع بـلا سبـب !!
- 4اقربك يـا ابعـد مـن قـرب منّـي وحبيـت اقربـه◆وابعـدك عنّـي موجـع اللحظـات وسلـوم وعـرب
- 5شف ( كيف ) فنجال الغلا مـا غيـرك احـدٍ يشربـه◆بلاش ( كيف؟ ) و ( هلّها ؟ ) واطلب ويا هون الطلـب
- 6تعال ( باشيائـك ) وشـف ( لاشيئـي ) اللـي يتعبـه◆خيـط السكـون اللـي تلّفّـه فـي دهاليـز العـتـب
- 7لـو تستبيـح غوايـة العـاشـق بيـرخـي منكـبـه◆لحكايـة الدمعـه علـى المنديـل واطـراف الـهـدب
- 8لاتمسـح دموعـك !! مـا دام القلـب هـذا مكسـبـه◆دمعتـك قـوّه فـي زمـان الضعـف دمعاتـك ذهـب
- 9تعـال بلّلنـي مــن اوجــاع السنـيـن المجـدبـه◆عـاش الهـدوء بزحمـة النسيـان واغتـال الصخـب
- 10لو ما السهر يقتادنـي لـك شـوق مـا جيـت اسحبـه◆قلـبٍ يئـنّ مـن الجـراح الفوضويـه والنـصـب !!
- 11تعبـت مـا ملّـت تفاصـيـل الـزمـان المرعـبـه◆جف الورق يا اجمل ندى وين انت؟ ما طاح الحطب ؟؟؟
- 12مشتـاق لجراحـك ولافـراحـك وعـشـقٍ تسكـبـه◆خـل السكـون يضـجّ بـك لاجيـت تملانـي شغـب
- 13أو خلنـي للـمـوت والحـرمـان بالـدمـع اكتـبـه◆عـادي ضياعـي ليـش تتعـجـب ولله العـجـب !!!