الحاضرين يعلمون الغايبين
زايد الرويس13 بيت
- 1مع التحيه للجميع اللـي هنـا واللـي هنـاك◆الحاضريـن يعلمّـون الغايبيـن بمـا جـرى
- 2قصه وانا سجلتها من دون ما اشعر بارتبـاك◆أمشّي الخطـوه علـى قـدام ماترجـع ورى
- 3ياصاحبي يا قايد الغـزلان قلـي وش دهـاك◆مافيه احد ياصاحبي ما حس بالوضـع ودرى
- 4شهر شهر شهر شهر شهـر تمشينـي وراك◆اتعبتني مغيـر طالـع نـازل بطلعـة كـرى
- 5ارفق شوي الله يسمّح دربك ويرضى عـلاك◆شف جرحك اللي من ثلاث شهور توه ما برى
- 6انا ادري انك كاملٍ بالزين يـوم الله عطـاك◆زينك لحال ولا معك فالزين يا زيـن خشـرا
- 7يمكن اكون اخطيت يوم اني هرجت وقلت اباك◆وانت استغليت الامور وصرت عني في ذرى
- 8جفاك نارٍ تصطلي وانا انتظـر حـزة لقـاك◆مالـد عينـي للسفيـه اللـي بتعليـقـه زرى
- 9ان كنت مخطي دلني وابشر بمن يتبع رضاك◆عطني سياسه واضحه تكتب بخـط وتنقـرى
- 10وانا اوعدك اني لاسرّي كل نجمٍ فـي سمـاك◆وماعاد يبقى فالسما لو نجم واحد مـا سـرى
- 11هذا وعد مني اكيـد وكـان هـذا مـا كفـاك◆ابسألـك وش مطلبـك بالله قلـي يـا تـرى
- 12ودك تموتني قهر؟ قلها وانـا افهـم مبتغـاك◆ياقشر حظك كان طبعك بيع من جاك وشـرى
- 13شفني هنا جالس لحالي والعرب عنـي هنـاك◆والحاضرين يعلمـون الغايبيـن بمـا جـرى