احباط
زايد الرويس13 بيت
- 1إحباط هـــ الوقت يملى لي عناويني◆وأنا اتلفت واشوف الياس قــــدامي
- 2إي والله اني تعبت وضاقت سنيني◆وفـــ اول نهاية طريقي ضاعت أقدامي
- 3مليّت يا واقعٍ ما عدت تعنيني !◆حتى ولا عاد تعني شي أحلامي !
- 4كم مدّ قلبي .. قبل لا امدّ بيديني◆وعضيت قلبي قبل لا اعضه ابهامي
- 5وكم كان رشدي على غيي يوديني◆يوهمني إن الكثير من العطا سامي
- 6وكم قلت بكره تهون ! وهانت بعيني !!◆أيام عمري .. إذا هي فعلاً أيامي !
- 7مرات أحس اني اكره كل ما فيني◆لا شفت ما حولي الا باقي حطامي
- 8مدري من اللي بــ صدري كان يرميني◆بس الأكيد إنها تحديداً سهامي !
- 9كم شلت في خاطري جرحٍ يسليني ؟◆كم طاح من عيني أصدق دمع ؟.. وأعوامي !
- 10أفنيتني ! ما دريت اني بــ اغنيني◆للضيقة اللي تقول لــ فرحتي : نامي !
- 11أحاول اكتب جروحي قبل تمحيني◆والحبر دمي .. بعد ما جفت أقلامي
- 12أفكر إني أسافر بي .. واخليني◆أبعد عن الناس .. واتوّحد مع آلامي
- 13يا ما أكذب الناس .. يا ما أصدق عناويني◆طعناتهم ! تنقلب ضحكات قدامي !!