سياسة
ريم تواق20 بيت
- 1عذرك بعد طول انتظار وبعدك◆ما نقبله والحر شوره براسه
- 2كنت احسبه غير وصلك يرده◆في دولة العشاق عندك سياسه
- 3لكن شورك ما هو بين يدك◆شورك سجين تحت ظل الحراسه
- 4رجعت دارك بين ناسك وسعدك◆ونسيتني والشوق معلن حماسه
- 5خمسة شهور عند عهدك ووعدك◆واليوم قربك ما نريد التماسه
- 6انا حبيبي صح ماني بعبدك◆منت بقدي والمحبه مراسه
- 7ويوم انه عندي باقي لعندك◆تعال عندي كان تبغى دراسه
- 8خلك صريح وبعدها تشوف سعدك◆عند المحبه ما تفيد الدساسه
- 9ودي توقد في الموده ووده◆ومن كثر وده قام حظي وباسه
- 10يا خدعت الايام في مثل خدك◆في وجهك البسام وتخفي العباسه
- 11لا تعتذر وتقول هالظرف حدك◆من كان يبغى الشي يعرف قياسه
- 12اخر مسج جاني من الشوق عندك◆في ليلة 14 ابريل ساسه
- 13اسهر وحيد الشوق يا زين وجدك◆واقول باكر يمكن الشوق جاسه
- 14واترك كت النار في وسط بردك◆وما تنفعك باكر جموع الوناسه
- 15الي معاك يومين وبعدين ضدك◆اهل التملك والحكي والوساسه
- 16ماعدت الوح ياغناتي لردك◆ولا عاد يعنيني وجودك اساسا
- 17النفس طابت بعد ماذقت صدك◆عفته فؤادك بعد مالغير داسه
- 18انا الشموخ ان كان قبلك وبعدك◆ماهزني خيل الوغى الوطاسه
- 19بعدك وصدك وانكسارك وردك◆مايهمني والحب كسر كاسه
- 20لاتعتذر لو كنت مجبر ع بعدك◆خل تنفعك يازين هذي السياسه