انا السما
ريم تواق6 بيت
- 1أنا السما واللي يبي يشوفني فوق . . . هذا مكاني رغم صعبات الأقدار◆إسمي شموخ وفعلي يبين الذوق . . . طبعي كسبته من بعد مجد الأحرار
- 2ماني من اللي يشتكي الوقت والعوق . . . وإن مال وقته كثر القول بأعذار◆مابيع راسي في مضاريبة السوق . . . الدار داري والهوى عندي يانار
- 3من كثر القيلات ماهو بمرفوق . . . كسٌرت فنجاله ولاتحشمـه دار◆واللي يثمن كلمته بزين منطـوق . . . انقدمـه عالكل لو صار ماصار
- 4مجدي صنعته بين اضلاع وعروق . . . يالين صارت سيرتي للكل تذكار◆اعرف قلوب الناس من مقلة الموق . . . واميز الطيب من الناس واختار
- 5اهديها للناموس من خيل ونوق . . . والمركز الأول يبا عزم وابهار◆يلي اتحداني ولا تدري العوق . . . ابوي علمنا التحدي والإصرار
- 6أتوق توق الريم واشعاري اتوق . . . وغيري مكانه ماتحرك ولاسار◆دبي داري وارتقا للسما فوق . . . طبعي شموخ وهيبتي تحني كثار