ناداك قلبي
ذياب بن غانم المزروعي8 بيت
- 1نظرة عيونك سولفت لي عن الشوق◆وانا قتيل الشوق لوشفتني حي
- 2والبسمه الحلوه نواوير من ذوق◆استبشرت روحي بها وأنور الحي
- 3حسيت كني للسما أرتفع فوق◆من الفرح وانثر على العالم الضي
- 4إن كان هذا حلم ياليت مافوق◆وان كان هذا علم قرب لي شوي
- 5مايملي عيوني من الكون مخلوق◆إلا أنت والدنيا بدونك ولاشي
- 6يامن كلامك يشفي الجرح والعوق◆عوقٍ طواه البين في مهجتي طي
- 7أنته سحابة حب وخدودك بروق◆وهمسك مطر هتان وعيونك الفي
- 8ناداك قلبي لكن الصوت مخنوق◆قفيت عني وظلمت عقبك دبي