اللي يحبك
ذياب بن غانم المزروعي10 بيت
- 1اللي يحبك من فؤاده ويغليك◆يبقا يحبك لين يوم القيامة
- 2مهما حصل ما تختلف نظرته فيك◆والوقت ما بدل حقيقة غرامه
- 3اذا زعل منك بروحه يراضيك◆ولو الخطا منك بداك بسلامه
- 4وان ضاق صدرك بالحكايا يسليك◆ويدور اللي يسعدك من كلامه
- 5ان غبت دايم في غيابك يداريك◆وان جيت تلقى منه حب وكرامة
- 6لايستمع نمات ناس حكوا فيك◆ويعقب العاذل وراعي الملامة
- 7مدام محبوبك بالعمر شاريك◆دنياه تسوى من رضاك ابتسامة
- 8لا تخسره دامه يحبك ويفديك◆ترى العمر من دونه طوفه وندامة
- 9الراي رايك والأمر بين أياديك◆مبداه من عندك وعنده ختامة
- 10ان جيت يالمحبوب ربي يحيك◆وان رحت يالمحبوب درب السلامة