هو صحيح
خالد عبد الرحمن12 بيت
- 1هو صحيح هدك التفكير فيني◆واشغلك بعدي وصرتي تسألين
- 2ما نسيتي ما مضى فايت سنيني◆علميني كيف عشتي هالسنين
- 3كيف كانت رحلتك لي علميني◆لو سؤالي يحرجك لا تهرجين
- 4المراد انك حضرتي يا انيني◆يا ابتهاجي كانك اول تذكرين
- 5عن ظروفك يا حياتي طمنيني◆كيف كانت حالتك دنيا ودين
- 6المشاعر رحبت بك اسمعيني◆يا بعد من غابوا كل المقبلين
- 7كنت احس انك كثير تتابعيني◆ولا ذكرتيني علي تحزنين
- 8يا مشاعر في لقاها غيبيني◆يا حياتي جاك من هو ترتجين
- 9كنتي الأولى وكنتي تحتويني◆بالغرام اللي على وجهي يبين
- 10من شتات الوقت الأول اجمعيني◆واحفظيني عن عيون الناظرين
- 11يا سلامي يا غرامي اكتبيني◆سيد الحب النقي في العاشقين
- 12اني المبلي بحبك واعلنيني◆للعذارى صديتي علم مبين