تذكار
خالد عبد الرحمن10 بيت
- 1تذكـار عيشـي علـى التـذكـار◆وأن كـان يحصـل لـك تناسيهـا
- 2بافـراق تالـي أنتهـت الأخـبـار◆عشـرة حياتـي اليـوم ماضيهـا
- 3لاتحسبـي سـرك مـن الأسـرار◆اللـي علـى الجنسـيـن تفشيـهـا
- 4منـك الخطايـا أنتهـت بـاعـذار◆وعيـونـك النـكـران معميـهـا
- 5قلبك مـن أحـداث الفشـل محتـار◆تستخسـري خـطـوه مشيتيـهـا
- 6مايهتنـي منهـو غريـب الــدار◆مثلـك غريبـه وسـط اهاليـهـا
- 7وانا اللي فيني من الجـروح أكثـار◆لا أنتـي ولاغـيـرك يداويـهـا
- 8الله حسيبـك كيـف قلبـك صـار◆بـاع المحبـه وأشـتـري فيـهـا
- 9صرنا على هـذي السوايـا كبـار◆قبلـك عـذارى مامـشـو فيـهـا
- 10هل هي عطش هل هي تسالي صغار◆هـذي السوايـا مــن يسويـهـا