تبي تسكتني
خالد عبد الرحمن24 بيت
- 1مـحـد عـلـى ايـديـك الـنـواعـم ضـربـهـا◆وما انتب على كل الـذي صـار مغصـوب
- 2مـحــد تـيـقـن بــــك ولاحــــد حـسـبـهـا◆تـبــي تسكـتـنـي إلـــى قلـت:مـكـتـوب؟!
- 3مـانـعـتـرض لا كــنــك أنــتــه سـبـبـهـا◆ممنوعـك اللـي تزعمـه صـار مـرغـوب
- 4بصيـرتـك مــدري وش الـلــي حجـبـهـا◆ضـاقــت بـــك دروب وضيقـتـهـا دروب
- 5الـنــار فـــي جـسـمـي تـوهــج لـهـبـهـا◆خطـر علـى أعظـام جسمـي لـهـا تــذوب
- 6كـاســات مـــرك قـلـبـي الـلــي شـربـهـا◆مـا اعتـدت اذوق المـر مـن يـد محبـوب
- 7مدري وش اللي صار فـي حياتـك قبلهـا◆تـبــي الصـراحـهانـت قـتــال لـقـلــوب
- 8فـاتـت واشـــوف انـــه تـزايــد كـربـهـا◆عـسـى الـفـرج يـاتـي وينـحـل مـكـروب
- 9ماغـيـرك احــد تـــل روحـــي وجلـبـهـا◆ثـم بعتهـا برخيـص مــن غـيـر متـعـوب
- 10فــي ســوق حـبـك لـيـن رســم نصبـهـا◆وتركتـنـي حــي مــع الـنـاس مـصـلـوب
- 11ودفـنــت روحـــك يـــوم ورق شـبـبـهـا◆وأصبحت وحدك وانت بي دوم مصحوب
- 12أسـرجـت خيـلـي ثـــم غـيــري ركـبـهـا◆خيالـهـا مـالـه عـلـى الـخـيـل مـنـصـوب
- 13طــارت بـهـا الـريــح الـعـواتـي هبـبـهـا◆فــي ليـلـة لا سـلـم فـيـهـا والا حـــروب
- 14أخـتـرت مــن ســـو الـخـلايـق عـربـهـا◆دامــك تخيـرتـه فـأنـا مـنــك مـسـحـوب
- 15نـفــس حـرمـهـا الله ونــفــس وهـبـهــا◆هـــذا لـــه طـلابــه وهــــذاك مـطـلــوب
- 16الآ جــروحـــي..زاد فـيــهــا عـطـبــهــا◆بغـيـت انـــا الفـكـه..وعـودت مـنـشـوب
- 17الـيـاس فـيـنـي هـــز نـفـسـي وغلـبـهـا◆وانــا الـلـي أمـعـلـق قـلـبـه ومـقـضـوب
- 18نفـسـي ولـــو عافـت..قـدرهـا غصـبـهـا◆تـرضـى بواقعـهـا ولــو كــان مـــزروب
- 19غـنـيــت لـيـلـة..كـل حــزنــي طـربـهــا◆مـــرات أهيجـنـهـا ومـــرات مـسـحـوب
- 20وجمـعـت فــي نـبـرات صـوتـي عتـبـهـا◆وعـن غلطتـي أستسمـح اليـوم وآتــوب
- 21ضــوي طـفـت عقـبـك ورمـــد حطـبـهـا◆حـــرا لا..عـقـبـك ولا عـــود مـشـبـوب
- 22حـتــى معامـيـلـي عـلــى الـجــال كـبـهـا◆جنـبـت خـلـق الله كـمـا حــال مـجــروب
- 23حالـي بـك أصلـح حــال وأجـمـل وأبـهـا◆وحالـي بـدونـك مــن عوافـيـه منـهـوب
- 24صـدك خطـف ضحكـات عينـي وسلبـهـا◆وإلآ تــرى وصـلـك يــرد الـفـرح نــوب