اخاف اوادع
خالد عبد الرحمن8 بيت
- 1أخــاف أوادع وقتــي اللي معـــــك دام◆وأنــدم على شــي هدمتـه بيـديني
- 2زود الهموم اللي علي تكفي عن إعدام◆هذي حياتي تنتهي وأنتي ترينـي
- 3حالي هزل والجسم ما تقواه الأقدام◆واللي خفيته من أسى بين في عيــنـي
- 4ما ذقت من حبك سوى هجــرٍ وآلام◆صابر وأقول إن كان به زود عطينــي
- 5صدق العطا وحظي معك طاح ما قـام◆درب الهنا في دنيتي وينه و ويني
- 6عن صدق إحساسك ترى مانيب علام◆يا عمري خلي قلبك القاسي يلينـــي
- 7ودي انتهي بعمري معك مجنون بسقام◆أهون علي من فرقتك يانور عيني
- 8وإن مت يأهـــلي لأجلها مانيب منـلام◆ذي قسمتي عيني ترى رسم بجبيني