السهم الخطير
خالد بن سعود الكبير7 بيت
- 1السهم الخطير◆فاح ريح العود واروحت الشذا . . . والتفت وصابني سهمٍ خطير
- 2من غزال ما نواني بالأذى . . . لكن الاقدار ما عنها مطير◆اشهد انه يا عرب مني خذا . . . مابغاه وقادني قود الأسير
- 3قلت له يا فاتني ما هكذا . . . يفعل المأمور في حق الأمير◆قال شرع الحسن يا سيدي كذا . . . ما يراعي لا كبير ولا صغير
- 4قلت ما تعطف على صَبّ جذا . . . للجمال الغضّ والحسن الأثير◆الاديم بخطوتك فوقه عذا . . . والزمان اللي جمعنا بك برير
- 5حبذا نفحة أمل يا حبذا . . . ترجهنّ بها لجاجات الضمير◆لا تخليني تراها لي غذا . . . خاف قلبي من معاليقه يطير
- 6قال أنا قلبي مثل قلبك هَذَا . . . واهتوى لكن عواذلنا كثير◆والعواذل ما يخَلُّون البذا . . . للكلام يجرهم سلك الحرير
- 7واختفى خشف الغزاله واحَتذى . . . بالرفيق اللي يتلَّه للمسير◆ويل قلب كل ما فاحَ الشذا . . . ذكره ريح الشذا سهمٍ خطير